Знайсці
09.11.2023 / 21:593РусŁacБел

З сайта ABW.by знікла абʼява аб закрыцці

З сайта ABW.by знікла абʼява аб спыненні яго працы, якая зʼявілася каля сутак таму, рэсурс працягвае абнаўляцца, заўважыла mediazona.by.

 

Паведамленне аб спыненні працы сайта спачатку прыбралі з галоўнай старонкі сайта, але яно заставалася даступным па спасылцы. Пазней яно знікла.

Сайт праекта «Аўтабізнес» працягвае абнаўляцца, 9 лістапада на яго галоўнай старонцы зʼявілася некалькі новых тэкстаў.

Пост аб спыненні працы праекта зʼявіўся на сайце 8 лістапада. Ён быў напісаны ад імя заснавальнікаў ТАА «Бонусторг», якіх невядомыя «папрасілі» пракаментаваць нядаўні арышт дырэктара кампаніі.

Сілавікі паведамілі аб затрыманні дырэктара «Бонусторг» Віталя Палякова ў кастрычніку. Праўладныя тэлеграм-каналы апублікавалі відэа, на якім Палякоў кажа, што ўдзельнічаў у акцыях пратэсту. Па якім менавіта артыкуле ён затрыманы, не ўдакладнялася.

Аўтамабільны партал упершыню пацярпеў ад сілавікоў у чэрвені 2022 года. Тады былі затрыманыя галоўная рэдактарка Юлія Мудрэўская, рэдактар спецпраектаў Юрый Гладчук і выпускаючы рэдактар Вадзім Зянкевіч. 

Зянкевічу далі 13 сутак.

На Мудрэўскую і Гладчука завялі крымінальныя справы. Юліі прысудзілі паўтара года калоніі (абвінавацілі па артыкуле 342 КК, «арганізацыя ці падрыхтоўка дзеянняў, якія груба парушаюць грамадскі парадак, або ўдзел у іх»), а Юрыю — два з паловай (той жа артыкул 342, а таксама 368 — абраза Лукашэнкі). 

Чытайце таксама:

«Аўтабізнэс» скончыўся. Што за выданне гэта было

Заснавальнікі выдання «Автобизнес» заявілі аб спыненні праекта

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
1
Ха-ха
1
Ого
1
Сумна
1
Абуральна
3
09.11.2023
Нуу … адныя спынили…. Другие далей будуть працавать))… все как обычно)) Поэтому мне плевать на всех вас
1
даведка /адказаць/
09.11.2023
«Автобизнес» необходимо сконцентрироваться на обзорах топовых марок автомобилей, владельцы которых обязаны будут платить в десятикратном размере транспортный налог в нашей социально ориентированной стране, если иное не установлено президентом Республики Беларусь.
0
Влад/адказаць/
10.11.2023
Бизнес аз южуал? Ничему людей жизнь не учит!
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930