Знайсці
13.11.2023 / 16:388РусŁacБел

У Кіркорава быў аншлаг на канцэрце ў Мінску. Абурыліся нават ябацькі

Нядаўна ў Філіпа Кіркорава адбыўся канцэрт у Мінску. Напярэдадні шоу артыст запосціў у сторыс сваю афішу з подпісам «Sold Out». Але прыезд спевака, які ціснуў руку Лукашэнку і наведваў расійскіх салдат у шпіталі, раскрытыкавалі ябацькі.

Скрыншот відэа ў тыктоку Кіркорава

У дзень канцэрта Кіркораў запісаў відэа на фоне афіцыйнага беларускага герба ў Нацыянальным аэрапорце «Мінск». Ён звярнуўся да фанатаў: «Нарэшце маё шоу ў Мінску, у маім любімым Мінску, на беларускай зямлі».

Але, на дзіва, з’явілася шмат абураных каментарыяў ад прыхільнікаў Лукашэнкі: «Бацька, як ты мог дапусціць гэты цуд у пёрах у Беларусі?», «Філя, малайчына, што прыехаў у Беларусь, але не ўздумай напяліць калготкі і абвешаць сябе пёрамі. А то Бацька выпра, зняславішся».

Ябацькі былі незадаволены, бо лічаць Кіркорава, як самі пішуць, «рассаднікам гомасэксуалізму». Дарэчы, у мінулым годзе сярод ворагаў артыста была Вольга Бондарава — яна спрабавала скасаваць яго канцэрты і нават збірала подпісы за іх адмену. Мінгарвыканкам тады паабяцаў ёй у афіцыйным адказе — Кіркораў не будзе выконваць песню «Марыя Магдалена» ў Мінску, а ўпраўленне культуры Мінгарвыканкама правядзе маніторынг канцэрта. Але шоу тады не пабачылі ні ў Мінску, ні ў Гродне. Па афіцыйнай версіі — гэта адбылося «ў сувязі з непераадольнымі абставінамі, якія перашкаджаюць дастаўцы тэхнічнага абсталявання і артыстаў».

Цяпер у каментарыях беларусы нагадалі Кіркораву адмену канцэрта ў 2020 годзе з-за каранавіруса. Тады не ўсе фанаты вярнулі квіткі, нехта да апошняга чакаў новыя даты шоу і ў выніку страціў грошы. Для кагосьці гэта стала нагодай ігнараваць новыя канцэрты спевака.

Беларускія гледачы нагадалі Кіркораву і пра тое, што падчас пандэміі ён намякаў журналістам, што заразіўся кавідам падчас «Славянскага базару» ў Віцебску. А тады Лукашэнка асабіста ўручаў артысту ўзнагароду «Праз мастацтва — да міру і ўзаемаразумення».

@wiksawwww Невероятный Филипп Киркоров в Минске #minsk#filippkirkorov#kirkorov♬ оригинальный звук - wiksaww

У тыктоку, дзе з’явілася шмат відэа з юбілейнага шоу «Gold. The Greatest Hits», беларусы таксама абвінавачвалі Кіркорава ў прапагандзе «нетрадыцыйных каштоўнасцей».

Здаецца, праблемы з’явіліся яшчэ на этапе рэкламы канцэрта, бо сэрвіс продажу квіткоў kvitki.by быў вымушаны адключыць у сваім акаўнце магчымасць каментаваць відэа, у якім Кіркораў анансуе юбілейнае шоу.

Зрэшты, поўную залу ў Палацы Рэспублікі спявак сабраў. Квіткі каштавалі ад 95 да 350 рублёў.

Атрымалася, што Кіркораў, які заўсёды падтрымліваў Лукашэнку, аказаўся ў няміласці ў ябацек. Цікава і тое, што расійскія z-патрыёты таксама хэйцяць артыста, нягледзячы на тое, што ён падтрымаў вайну — спявак нават наведваў у шпіталі ў Крыме параненых расійскіх салдат, называў іх героямі і абяцаў ім білеты на сваё шоу. 

«Мужыкі ваююць, аддаюць жыццё, а ў яго праблема, што б надзець, пасаромеўся б», — напісалі яму каментатары, калі Кіркораў запісаў рэкламнае відэа з Rabanne H&M.

Здаецца, Кіркораў добры прыклад таго, як складана сядзець на некалькіх крэслах адначасова.

Чытайце таксама:

У Малдове склалі спіс непажаданых расіян, якім забаронены ўезд у краіну. Сярод іх Пуцін і Кіркораў

Бондарава замахнулася на беларускія канцэрты Кіркорава, але ён ёй аказаўся не па зубах

Лукашэнка ўзнагародзіў Брэсцкую крэпасць ордэнам Францыска Скарыны

Ганна Стафановіч

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
14.11.2023
Модерация вот безобидные коменты не пропускает о том сколько беларусов ходит на такое. Так напишите сами статью, посмотрите на сайте билетных операторов сколько людей пойдет на михалкова в декабре или на анну асти. Это ж не бел артисты, на которых некоторых заставляют покупать билеты профсоюзы нет, люди свои кровные тратят на киркоровых и михалковых. 
3
Прычыны відавочныя/адказаць/
14.11.2023
Влад, на Міхалка, Лявона Вольскага, Петлю пристрастия, Дай дорогу і іншыя беларускія гурты прыйшло б не меньш, а нават больш людзей. Але іх выціснулі з краіны, аб'явілі экстрэмістамі (то бок па сталінскай тэрміналогіі "ворагамі народу"). Можаце пакуль што ў інтэрнэце паглядзець толькі. https://youtube.com/watch?v=yKlnHeynVW8
1
даведка /адказаць/
15.11.2023
Филипп Киркоров сделал пластику и покрасился в блондина, заняв освободившуюся нишу Бориса Моисеева. 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031