Знайсці
14.11.2023 / 21:4013РусŁacБел

У Беларусі выставілі на продаж Mercedes-Benz W124 за 54 000 даляраў. За што просяць такія грошы

Паглядзелі, чаму за 31-гадовага «Мэрса» просяць так шмат.

Фота: av.by

«Цана пазначаная дакладна»

У Мінску за 54 тысячы даляраў прадаюць Mercedes-Benz E500 у кузаве W124. Высокая цана на аўтамабіль 1992 года выпуску абгрунтоўваецца тым, што гэта не нейкі шараговы 124-ты, а арыгінальны Е500. 

Пад капотам у яго 5-літровы V8 магутнасцю 322 к.с. Заяўлены прабег аўтамабіля — 248 тысяч кіламетраў.

 Прынамсі візуальна аўтамабіль знаходзіцца ў добрым стане. 

Фота: av.by

Скураны салон, сядзенні з электрапрывадам і памяццю, ёсць клімат-кантроль, круіз-кантроль і нават мабільны тэлефон з фірмовым лагатыпам Mercedes-Benz. 

Фота: av.by

У аб'яве пазначана, што аўтамабіль у Беларусь прыехаў з Германіі ў 2002 годзе і ўвесь гэты час знаходзіўся ва ўласнасці аднаго чалавека.

«Стан ідэальны. Цана пазначаная дакладна. Хто не ведае, што гэта за аўтамабіль, прагортваць», — дадае прадавец.

Фота: av.by

Чым унікальны гэты аўтамабіль?

Е500 у 124-м кузаве выпускалі з 1990 па 1994 год. Ад звычайных W124 ён адрозніваецца не толькі тэхнічна, але і знешне. Гэтую мадэль можна адрозніць па пашыраных колавых арках, іншых бамперах і бакавых накладках, якія ў народзе завуць «ліствой».

Мадэль Е500 была распрацаваная інжынерамі Mercedes-Benz пры ўдзеле інжынераў Porsche. У 1993 годзе новы такі аўтамабіль каштаваў 145 тысяч дойчмарак у Нямеччыне і 81 800 даляраў у ЗША.

Фота: av.by

Усяго было выпушчана 10 479 Mercedes-Benz E500 у кузаве W124.

Ці сапраўды ён настолькі каштоўны?

У Беларусі іншых Е500 у продажы няма, а наступныя па дарагоўлі W124 прадаюцца за 11 000 і 10 500 даляраў ЗША.

На нямецкім сайце па продажы аўто mobile.de цэны на Mercedes-Benz E500 пачынаюцца з 30 тысяч еўра. 

Фота: скрыншот з сайта mobile.de

Адзіны Е500, выстаўлены на продаж на расійскім сайце auto.ru, ацэнены ў 3,9 млн расійскіх рублёў — гэта каля 43 тысяч даляраў.

Чытайце таксама:

На продаж амаль за 20 тысяч даляраў выставілі 15-гадовы VW Passat B6. У чым яго фішка

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
Максим Дизайнер/адказаць/
16.11.2023
Мерс это навсегда

Больной, за 30 тысяч можно пригнать новый Чарджер или Теслу, рядом с которым на этот корч без слез не взглянуть.
0
Кировца на панов /адказаць/
16.11.2023
Тю. Если это оригинальный "Волчёк" с завода, то какой-нибудь москалик с торгом заберёт влёгкую. Сумма то смешная, 5 лямов на ихние фантики. Считай вместо двух вёдер типа "Веста" один нормальный автомобиль, на который ещё и цена будет расти с годами. Ещё и с АБС и прочими плюхами, типа кожа-рожа и электроприводы. Как по мне, ценник вполне обоснован в нынешних реалиях. Пробег до миллиона на мерсе родом из 90-х опять же херня. Так, обкатка.
0
Максим Дизайнер/адказаць/
16.11.2023
Кировца на панов

Каких реалиях, ыксперт хуторской?До 2-х миллионов в реалиях той избы, возле которой он фотографии делал, пока двери на ходу отваливаться не начнут. Перед бабой своей деревенской этими плюхами, которым 50 лет в обед понтуйся, водятел недоразвитый.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031