Знайсці
20.11.2023 / 15:401РусŁacБел

Шакіра не паўстане перад судом па справе аб нясплаце падаткаў

Спявачка пагадзілася на дасудовае пагадненне і выплату саліднага штрафу.

Шакіра пакідае будынак суда са сваімі адвакатамі. Фота David Oller / Europa Press via Getty Images

Калумбійская спявачка Шакіра не паўстане перад судом у Іспаніі па справе аб ухіленні ад выплаты падаткаў на мільёны еўра. У апошні момант яна пагадзілася пайсці на здзелку з іспанскімі ўладамі, піша La Vanguardia.

Сёння павінен быў пачацца суд над Шакірай па справе аб ухіленні ад выплаты падаткаў. Але перад першым пасяджэннем стала вядома, што спявачка і яе юрысты дамовіліся з іспанскімі ўладамі аб мірным вырашэнні справы. Шакіра пагадзілася заплаціць буйны штраф.

Перад пачаткам слуханняў суддзя абвясціў, што ў апошні момант бакі дамовіліся заключыць пагадненне, каб пазбегнуць суда. Суддзя спытаў Шакіру, ці ведала яна аб гэтай угодзе і аб суме штрафаў, на што спявачка адказала сцвярджальна.

Калумбійская спявачка прызнала факты нясплаты падаткаў у 2012—2014 гадах і пагадзілася на трохгадовае турэмнае зняволенне, якое будзе заменена выплатай штрафу 7,3 мільёна еўра для пакрыцця нанесенай шкоды. Акрамя таго, каб не трапіць пад варту, яна заплаціць 432 000 еўра.

Такая дамова выгадная Шакіры. Бо ёй у адваротным выпадку пагражаў штраф памерам 23,8 мільёна еўра і восем гадоў зняволення.

Спявачку абвінавачвалі ў тым, што з 2012 да 2014 года яна ўхілілася ад выплаты 14,5 мільёнаў еўра, жывучы ў Барселоне і, такім чынам, павінна была плаціць падаткі ў іспанскую казну. Акрамя таго, абвінавачванне лічыла, што спявачка стварыла сетку падстаўных кампаній, каб схаваць свае даходы і маёмасць.

Калумбійская спявачка з'явілася ў судзе а дзясятай раніцы і пры ўваходзе ў залу суда адказала «Вось і мы», калі журналісты спыталі яе, як яна маецца. Справа была разгледжана сёння за пяць хвілін. Шакіра падышла да мікрафона, сказала, што прымае заключанае пагадненне і зачытала яго, затым судовае разбіральніцтва было спынена.

Чытайце таксама:

Ад кахання да скону да судовага пазову. Гісторыя складаных адносін Шакіры і Жэрара Піке

Спявачка Шакіра і футбаліст Жэрар Піке разводзяцца

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
0
Ха-ха
0
Ого
0
Сумна
1
Абуральна
1
20.11.2023
Dobra nekali spjavala.....
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031