Знайсці
22.11.2023 / 17:422РусŁacБел

Шукаюць інвестара для палаца Гутэн-Чапскіх у Прылуках пад Мінскам

Камітэт дзяржаўнай маёмасці Мінаблвыканкама шукае інвестара для палацава-паркавага комплексу ў Прылуках пад Мінскам. Гаворка ідзе пра палац Гутэн-Чапскіх, парк і гаспадарчыя пабудовы, якія адносяцца да комплексу.

На сайце Камітэта дзяржаўнай маёмасці адзначаецца, што гаворка ідзе пра «аб'екты гісторыка-культурнай спадчыны, якія не выкарыстоўваюцца», іх плануецца вярнуць у гаспадарчы абарот, і яны чакаюць інвестыцыйных прапаноў.

У спіс аб'ектаў уваходзяць, акрамя палаца, будынкі былых свірна, карэтнай, бровара, двух флігеляў і парку. Цяпер яны належаць розным уласнікам. Сам палац належыць РУП «Інстытут абароны раслін», будынак былой карэтнай знаходзіцца ў падпарадкаванні ГП «Жыллёвік Міншчыны», а астатнія гаспадарчыя пабудовы (у нездавальняючым стане) — на балансе ТАА »Прылукіінвест».

Бровар

Згодна з пастановай урада №763 ад 13 лістапада 2019 года «Аб уцягванні ў гаспадарчае абарачэнне маёмасці, якая не выкарыстоўваецца і неэфектыўна выкарыстоўваецца», такія аб'екты могуць быць прададзеныя, здадзеныя ў арэнду, перададзеныя ў бязвыплатнае карыстанне, перададзеныя з дзяржаўнай уласнасці ў прыватную на бязвыплатнай аснове.

Флігель

Свіран

Карэтная

Прылуцкі ансамбль — адзіны добра захаваны ў раёне. Упершыню ён быў пабудаваны тут Ганнай Агінскай у сярэдзіне XIX стагоддзя, а ў 1868 годзе ён згарэў. Граф Эмерык Гутэн-Чапскі купіў маёнтак у 1871 годзе і адбудаваў новы палац — па ўзоры старога.

Пасля 1917 года тут быў дом адпачынку і санаторый, падчас нямецкай акупацыі — рэзідэнцыя гаўляйтара.

Пры адступленні немцы спалілі палац. Ён быў зноў адбудаваны па ўзоры старога і з 1971 года належыць РУП «Інстытут абароны раслін». Палацавы комплекс з'яўляецца матэрыяльнай нерухомай гісторыка-культурнай каштоўнасцю 2-й катэгорыі.

Чытайце таксама:

Што стала з расійскімі помнікамі, якія імперыя ставіла ў нацыянальных правінцыях

Беларус стварыў скульптуры для алтара беластоцкага кафедральнага касцёла

У Шчорсах зноў паспрабуюць прадаць за бесцань вяндлярню Храптовічаў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
2
Ха-ха
1
Ого
0
Сумна
2
Абуральна
2
1
Кастусь/адказаць/
22.11.2023
Чтобы потом отжать за "спасибо"))) Читайте "Буратино", товарищи чиновники))
1
Лох - не мамонт/адказаць/
22.11.2023
Несите денежки, буратины
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031