Знайсці
24.11.2023 / 12:372РусŁacБел

Выйшла кніга пра легендарныя беларускія музычныя медыя. Лёсы некаторых яе аўтараў склаліся нечакана

Музычныя журналісты Зміцер Бурбуць і Настасся Саматыя напісалі кнігу пра беларускую музыку 90-х і 00-х — ці пра тых, хто яе асвятляў. Гэта гісторыя «Музыкальнай газеты» і «М-журнала», легендарных мінскіх музычных выданняў, якія зніклі ў нулявыя.

Фота: patreon.com

Сваю працу беларусы распачалі яшчэ ў 2015-м, а скончылі толькі цяпер — прызнаюцца, што рэч у пракрастынацыі. Атрымалася выданне «Хронікі «Нестара» — 148 старонак у PDF-фармаце, сотня здымкаў і дзясяткі інтэрв’ю з людзьмі, якія стваралі «Музыкальную газету» і «М-журнал». 

Атрымаць кнігу можна за 10 еўра на Patreon.

«Наша кніга ўнікальная ў тым сэнсе, што максімальна дакладна і праўдзіва (бо словамі тых людзей, якія, уласна, стваралі гэтыя выданні) апісвае тое, як былі прыдуманыя і чаму прыйшлі ў заняпад «Музыкальная газета» і «М-журнал». Для гэтага мы здолелі пагутарыць, бадай, з усёй рэдакцыяй, і далёка не ўсе з гэтых людзей сёння захацелі б адказваць. Напрыклад, Зміцер Басік, які быў некалі аўтарам «М-журнала», а сёння асабісты перакладчык Лукашэнкі. А некаторых герояў нашай кнігі ўжо і няма ў жывых», — расказвае Зміцер Бурбуць.

Журналіст расказвае, што хацеў бы, каб гэтыя выданні запомнілі як унікальныя для ўсёй постсавецкай прасторы: «Усё-ткі ніхто не мог так доўга выпускаць музычнае выданне штотыднёва («Музыкальная газета») і з такой якасцю паліграфіі («М-журнал»). Гэтыя выданні рабіліся сапраўднымі фанатамі сваёй справы, і чытачы не маглі гэтага не адчуваць. Усякае бывала ў гісторыі гэтых выданняў, але мы ў сваёй кнізе пастараліся сканцэнтравацца толькі на добрым. Няхай іх так і памятаюць — як сімвал эпохі, якая назаўсёды сышла ў гісторыю».

«Наша Нiва» — бастыён беларушчыны

ПАДТРЫМАЦЬ

Што слухаць па-беларуску? Топ папулярных песень у Spotify на роднай мове ПЛЭЙЛІСТ

У Брытанію вярнулася бітламанія. Сінгл «Бітлз» узначаліў хіт-парад упершыню з 1969 года

Што трэба ведаць пра гурт Tor Band — музыкаў, якіх пакаралі жахлівымі тэрмінамі за іх хіты

Вера Белацаркоўская

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
49-й floor/адказаць/
24.11.2023
За возможность купить онлайн отдельный респектище! Недавно сторрентил все выпуски м-журнала в пдф. Смотрю на рекламу, где Лесли Найф хвалит Vicious Crusade... Для тех, кто в теме, мало чего найдётся настолько ироничного и трагичного.
0
беларуска/адказаць/
25.11.2023
то бок унутры Беларусі ізноў купіць нешта нашае новае нельга? патрыён працуе зь вялікімі перабоямі. ці гэта праца для дыяспары онлі? залейце яе на бусці
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера