Знайсці
24.11.2023 / 16:091РусŁacБел

Мігранты, што імкнуцца перасекчы мяжу з Фінляндыяй, маюць беларускія візы

Міністр унутраных спраў Латвіі Рыхард Казлоўскіс заявіў, што на латвійска-беларускай мяжы зніжаецца паток нелегальных мігрантаў і яны імкнуцца знайсці новыя шляхі, паведамляе lsm.lv.

Плот блакуе дарогу да закрытай пустой памежнай станцыі Нуямаа паміж Расіяй і Фінляндыяй у Лапеенранце (Паўднёвая Фінляндыя). Фота: Sergei Grits / AP

Ён звярнуў увагу на рост нелегальнай міграцыі ля ўсходніх межаў Літвы і Польшчы. Таксама Фінляндыя адчувае міграцыйны ціск на сваёй усходняй мяжы.

«Праца ва ўзмоцненым рэжыме [на мяжы з Беларуссю], аднак, дала пэўныя вынікі. Ёсць інфармацыя, што тыя асобы, якія спрабуюць перасекчы мяжу ў Фінляндыі, маюць беларускія візы. Гэта азначае, што яны прарабілі досыць вялікі шлях, каб дабрацца туды», — сказаў Казлоўскіс.

Ён адзначыў, што цяперашняе паслабленне не азначае, што патокі нелегальных мігрантаў не могуць аднавіцца.

Міністр звярнуў увагу на тое, што ў РФ бязвізавы рэжым з Іранам, а таксама на прамое авіязлучэнне паміж краінамі.

Фінляндыя закрыла амаль усе памежныя пераходы на мяжы з Расіяй, пакінуўшы толькі адзін на поўначы краіны.

Палітык таксама падкрэсліў, што кантроль на ўсходняй мяжы цяпер аслабляцца не будзе. «Мы не будзем дзейнічаць гэтак паспешліва і не будзем падаваць сігнал аб тым, што мы расслабіліся», — сказаў Казлоўскіс.

Латвійскім журналістам удалося ўкараніцца ў адну з груповак кантрабандыстаў. Яны высветлілі, што перапраўкай людзей з беларускай мяжы ў Нямеччыну займаецца мноства груповак. За транспарціроўку аднаго нелегала кіроўцам абяцаюць ад 800 да 1600 еўра.

Раней у памежнай ахове адзначалі, што мяжу спрабуюць адначасова перасекчы вялікія групы з 20-30 чалавек з удасканаленай арганізацыяй, лепш абсталяваныя, чым раней, і паводзяць яны сябе больш упэўнена.

Чытайце таксама:

Фінляндыя з пятніцы закрыла ўсе памежныя пункты на мяжы з Расіяй, апрача самага паўночнага

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
4
Панылы сорам
0
Ха-ха
0
Ого
0
Сумна
2
Абуральна
6
2
европейский рай для африканца/адказаць/
24.11.2023
Фінляндыя закрыла амаль усе памежныя пераходы на мяжы з Расіяй, пакінуўшы толькі адзін на поўначы краіны.

"наивные!" фины, думают "дикарей" из Африки, Азии и Кавказа это остановит.... Ничего подобнего.Там совершенно другие ценности в голове. Тем более если 2 диктатора, белорусский и российский такие действия поддерживают.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031