Знайсці
28.11.2023 / 14:365РусŁacБел

Падазраванымі па справе Каардынацыйнай рады праходзяць больш за 100 чалавек — СК

Следчы камітэт распавёў падрабязнасці па так званай «справе Каардынацыйнай рады» — падазраваных больш за 100 чалавек.

Прэзідыум Каардынацыйнай рады ў жніўні 2020 года, калі яна сапраўды была патрэбная. Злева направа — Павел Латушка, Марыя Калеснікава, Вольга Кавалькова, Максім Знак, Сяргей Дылеўскі. Латушка, Кавалькова і Дылеўскі цяпер у эміграцыі, Калеснікава і Знак — палітзняволеныя. Фота: Tut.by

У якасці падазраваных па справе Каардынацыйнай Рады прыцягнута звыш ста асоб, праводзяцца следчыя дзеянні і аператыўна-вышуковыя мерапрыемствы, расказалі БЕЛТА ў Следчым камітэце Беларусі.

СК сумесна з МУС збіраюць доказы адносна дзейнасці, якая вялася ў 2020 годзе па стварэнні Каардынацыйнай рады, піша Белта.

СК называе гэту ініцыятыву «спробамі па захопе дзяржаўнай улады» і і прасоўваннем «ідэі гвалтоўнай змены канстытуцыйнага ладу».

Лукашэнкаўцы сцвярджаюць, што спіс сяброў Рады ім перадаў адзін з удзельнікаў КР, які нібыта вярнуўся ў Беларусь праз «камісію па вяртанні». Гэтае сцвярджэнне немагчыма праверыць, у мінулым такія заявы часта выяўляліся непраўдзівымі і скіраванымі на тое, каб пасеяць недавер.

СК падазрае ва ўчыненні злачынстваў, прадугледжаных ч.1 арт. 357 (змова з мэтай захопу дзяржаўнай улады неканстытуцыйным шляхам) і ч. 3 арт. 361-1 (уваходжанне ў склад экстрэмісцкага фармавання ў мэтах учынення злачынстваў экстрэмісцкай накіраванасці) звыш 100 чалавек. 

Цяпер праводзяцца следчыя дзеянні і аператыўна-вышуковыя мерапрыемствы, у тым ліку ператрусы. З улікам атрыманых доказаў будзе разгледжана пытанне аб запуску працэдуры спецыяльнай вытворчасці, піша Белта. 

Сёння па краіне прайшлі масавыя ператрусы ў людзей, звязаных з Каардынацыйнай радай апазіцыі. Прыйшлі па месцы рэгістрацыі Паўла Латушкі, Сяргея Чалага, Юрася Губарэвіча і іншых. 

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
даведка /адказаць/
28.11.2023
СК председатель Гора, заместитель Васильев и даже начальник пресс-службы Кабакович из кадрового состава КГБ.
0
Есть вопрос!/адказаць/
28.11.2023
С одной стороны, лукашенковский ск утверждает, что получил (якобы от перебежчика) список КР. С другой стороны, НН не публикует мои не то чтобы острые, но антилукашенковские комментарии (видимо, беспокоясь за мою безопасность)). Так вот вопрос в следующем: если лукашенковцы получат (каким-то невероятным образом) технический доступ к ресурсам НН - могут ли быть спокойными авторы антилукашенковских комментариев??
1
даведка /адказаць/
28.11.2023
НН раньше физически находился на территории страны и силовики даже в таком случае ничего не смогли.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера