Знайсці
28.11.2023 / 22:43РусŁacБел

Супрацоўнікі МТЗ на навагоднія святы будуць адпачываць як расіяне

Работнікаў Мінскага трактарнага завода чакаюць працяглыя навагоднія канікулы. Пра гэта паведамляе афіцыйны тэлеграм-канал прадпрыемства.

Выхаднымі днямі на прадпрыемстве абвясцілі перыяд з 30 снежня 2023 года да 7 студзеня 2024 года ўключна. Такім чынам, адпачываць работнікі будуць без перапынку дзевяць дзён.

Пры гэтым тры дні (з 3 да 5 студзеня), якія агульнадзяржаўным графікам вызначаныя як працоўныя, на заводзе перанесеныя на суботы ў лютым, сакавіку і лістападзе.

Як растлумачыў памочнік гендырэктара МТЗ па працы і заробку Сяргей Таўстаногаў, графік складзены зыходзячы з вытворчых патрэб і з улікам цеснага кааперацыйнага супрацоўніцтва з Расіяй, дзе навагоднія канікулы працягнуцца да 8 студзеня ўключна.

Таксама адзначаецца, што і майскія канікулы будуць у завадчан крыху большымі, чым у цэлым у краіне: адпачываць на МТЗ будуць з 9 да 14 мая ўключна, а 10 мая будзе адпрацоўвацца 4 мая.

Раней паведамлялася, што на МТЗ будуць плаціць тым работнікам, якія прывядуць на завод новага супрацоўніка.

Чытайце таксама:

На магілёўскай абутковай фабрыцы «Шагавіта» масава звальняюць супрацоўнікаў

На пяць гадоў працягнулі санацыю гомельскага прадпрыемства, якое належыць Шакуціну

Холдынг МТЗ выпусціў газонакасілку

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031