Знайсці
30.11.2023 / 23:163РусŁacБел

Краіны АПЕК+ дамовіліся аб далейшым скарачэнні здабычы нафты

На пасяджэнні групы АПЕК+, якое прайшло ў Вене 30 лістапада, яе ўдзельнікам удалося дамовіцца аб значным скарачэнні здабычы нафты. Паводле прэс-рэлізу нафтавага картэля, у I квартале 2024 года яна сукупна складзе 2,2 млн барэляў за дзень, паведамляе Office Life.

Фота: ahopuero / Getty Image

Арганізацыя краін — экспарцёраў нафты не стала ставіць арыенціраў па аб'ёмах і цэнах на 2024 год. Але краінам-удзельніцам удалося дамовіцца адносна добраахвотнага скарачэння здабычы.

Асноўная частка гэтага скарачэння прыпадзе на Саудаўскую Аравію, якая падоўжыла на I квартал 2024-га дзейнае скарачэнне на 1 млн барэляў у суткі. З іншых краін: Ірак скароціць здабычу на 223 тыс. барэляў у суткі, ААЭ — на 163 тыс., Кувейт — на 135 тыс., Казахстан — на 82 тыс., Алжыр — на 51 тыс., Аман — на 42 тыс. барэляў у суткі. Расія асобна паабяцала павялічыць скарачэнне здабычы з цяперашніх 300 тыс. да 500 тыс. барэляў у суткі.

Гэтыя параметры ўступяць у сілу з 1 студзеня і будуць дзейнічаць да канца сакавіка 2024 года. Далей АПЕК+ будзе дзейнічаць па сітуацыі. Наступная «планавая» сустрэча павінна адбыцца там жа, у Вене, 1 чэрвеня.

Акрамя таго, паведамляецца, што са студзеня 2024-га да АПЕК+ далучыцца Бразілія.

Цэны на нафту да канца лістапада дэманстравалі зніжэнне. Спецыялісты тлумачылі гэта нізкім попытам, ростам запасаў і чаканнем сустрэчы АПЕК+. Як адрэагуе рынак на вынікі сустрэчы, стане зразумела падчас таргоў у пятніцу.

Чытайце таксама:

У найбуйнейшых нафтагазавых кампаній Расіі амаль удвая абвалілася выручка — Цэнтрабанк

Як Расія вярнула нафтавыя даходы і што гэта азначае для нас усіх

ЗША прыпынілі санкцыі супраць венесуэльскай нафты, але з палітычнымі ўмовамі

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
30.11.2023
Ну, гэта прыкладна 1 VLCC танкер за дзень. Калі ўлічыць, што адна толькі КСА цягам 36 гадзінаў адвантажвае да 5, а то і 7 такіх суднаў адначасова, дык тое скарачэньне не такое і адчувальнае. Але тэндэнцыя аўняная.
1
Бобр/адказаць/
30.11.2023
Живя в Беларуси это была хорошая новость, а вот живя в Польше это хорошо или плохо? Расжуйте для плебса
1
Янка/адказаць/
01.12.2023
Бобр, будзеце больш ужываць амерыканскай нафты і менш расейскай. І актыўней пераходзіць на альтэрнатыўную энергетыку. Дарэчы, амерыканская кампанія Westinghouse будуе ў Польшчы новую АЭС, якая відавочна будзе найбольш бяспечнай у рэгіёне і канчаткова пахавае сумнеўны ва ўсіх сэнсах праект "БелАЭС" Можаце не хвалявацца, бо польскія ўлады заўсёды дэманстравалі дальнабачнасць у сферы дыверсіфікацыі забеспячэння краіны энерганосьбітамі нават у часы, калі нікому на Захадзе гэта ідэя у галаву не прыходзіла.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031