Знайсці
02.12.2023 / 21:1835РусŁacБел

Былая прапагандыстка СТБ працавала ў «Жоўтых злівах», а пасля пераехала ў Польшчу і адкрыла там бізнэс

Яна была ў лукашэнкаўскім пуле, а падчас перадвыбарчай кампаніі перайшла на працу ў зліўныя бачкі прапаганды. «Белпол» заўважыў, што цяпер яна пераехала ў Польшчу і адкрыла там бізнэс.

Кацярына Жыляніна. Фота: СТБ

Кацярыне Жылянінай 41 год. Яна скончыла журфак БДУ ў 2004-м. Пасля гэтага працавала журналісткай, а ў 2010-х прыйшла на СТБ. Неўзабаве патрапіла ў лукашэнкаўскі пул, але тэлезоркай так і не стала. Былы калега Кацярыны апісвае яе так:

«Яна доўгі час была ў пуле, але яе не так часта свяцілі, бо Жыляніна, як кажуць, не надта фотагенічная. Але нешта выходзіла рэгулярна.

Зацятым лукашызмам яна не адрознівалася, але лічылася такой «патрыёткай». У 2020-м пра гвалт змаўчала. Таксама заўжды спакойна ўспрымала затрыманні калегаў з палітычных матываў».

«У маі 2020-га яна сышла ў рэдакцыю «Жоўтых зліваў», каб яшчэ менш свяціцца. І пасля выбараў там працавала. Калі яна і сышла адтуль у 2020-м, то не праз палітычную пазіцыю, гэта не дэмарш», — мяркуе былы калега.

Скрыншот з канала «МатолькаПамажы» пра Жыляніну

Згодна са звесткамі, якімі падзяліўся Антон Матолька, 29 снежня 2020-га Жыляніна звольнілася з СТБ і са студзеня 2021-га перайшла на працу на тэлеканал МІР — праўда, у кадры яе не было, а на сайце няма аніякіх згадак. Па ягонай інфармацыі, таксама яна была запісаная «знешнім аналітыкам» праўладнага Беларускага інстытута стратэгічных даследаванняў.

У «Кіберпартызанаў» няма звестак пра далейшую працу жанчыны. Вядома, што ў яе было ІП, сферамі дзейнасці якога ўказаныя «іншыя сферы адукацыі». Яно было закрытае ў кастрычніку 2022-га.

У жніўні 2022-га Кацярына разам з братам перакупілі юрыдычную асобу P66A у Варшаве. Пасля гэтага яны ці то перакупілі, ці то адкрылі касметычны салон у раёне Урсынаў. Пару месяцаў таму яны акурат шукалі туды менеджара.

Вакансія ў фірму Кацярыны, датуецца 25 верасня 2023-га

Таксама ў жніўні яны адкрылі фірму K&M23 (брат і сястра, Кацярына і Максім, 2023 — гэта год адкрыцця). Як від дзейнасці пазначана «паслугі, звязаныя з паляпшэннем фізічнага стану».

Профіль Кацярыны на сайце, які паказвае, хто валодае якім бізнэсам

«Наша Ніва» напісала Кацярыне ў месенджары, але пакуль не атрымала адказу.

Чытайце таксама:

«Гэта былі ўжо не шараговыя апладысменты, якія гучаць у падзяку кожнаму выступоўцу». Хто апладзіраваў Лукашэнку стоячы на кліматычным саміце?

«Дзіўнае сацспаборніцтва, хто больш напрызнае». ТГ-канал, які звязваюць з Маркавым, пакрытыкаваў сілавікоў за тое, што экстрэмістамі сталі ўсе

«Усё, вы здраднікі». Прапагандысты заклікаюць забраць кватэру ў Алексіевіч і пазбавіць эмігрантаў спадчыны

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
2
Правдорез/адказаць/
03.12.2023
Максим Дизайнер, Максимка, один вопрос - почему не в условном белорусском копыле? Почему в Ваве?) Ведь в условном копыле так все хорошо и стабильно!;)
03.12.2023
"Поехала мыть польские унитазы..." (с)грыша
0
О как/адказаць/
03.12.2023
Максим Дизайнер
…и бесстрашно олень поскакал по граблям. Это ж надо,какой невезучий—нашего прыщавого дартяньяна угораздило среди памяркоуных беларусикрв родиться. А не,например,среди александров македонских. Ну раз лоботомия не помогла—есть еще одно средство. Стену видишь? Разгонись. Но от души. 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031