Знайсці
02.12.2023 / 23:5310РусŁacБел

Мадэрная гісторыя краіны ніяк не адужае цыкл бяспамяцтва — Андрэй Катлярчук

Актуальны артыкул у «Нашай Ніве» пра знішчэнне Сталіным і чэкістамі беларускай эліты паказвае, між іншым, як мала мы ведаем пра волатаў беларускага руху XX стагоддзя, піша ў фэйсбуку гісторык Андрэй Катлярчук, продкі якога паходзяць з Турава, а сам ён ужо шмат гадоў жыве ды працуе ў Швецыі.

Вока зачапілася за прозвішчы з «няпоўнага спіса» ахвяраў па справе «Беларускага нацыянальнага цэнтра»: «Яўген Макоўскі, інжынер з Турава». Паспрабаваў знайсці больш інфармацыі.

Беларус з вышэйшай адукацыяй — асоба рэдкая на той час, ды яшчэ вілянчук, з былой сталіцы Княства. Магчыма, з гэтай сям’і паходзіў таксама вілянчук Вячаслаў Макоўскі, намеснік сакратара ЦК БСРГ. У 1928 годзе ён быў арыштаваны i пасаджаны ў Лукішкі, дзе ў хуткім часе захварэў на сухоты. У 1929-м вызвалены з турмы пад заклад i праз некалькі дзён памёр. З крыніц тых часоў вядома таксама пра беларускага ксяндза Макоўскага.

Тураўскі леспрамгас — вядомае тураўцам прадпрыемства. Дзед Васіль казаў, што на пачатку 1930-х гэта была самая прэстыжная кантора ў мястэчку. Леспрамгасаўцы зараблялі рэальныя грошы і, што было яшчэ важней, мелі ўласную прафесійную «лаўку», дзе прадаваліся добрыя прадукты і прамтавары.

У леспрамгасе працавала багата хлопцаў з Заходняй Беларусі, якія ўцяклі ад пераследу польскіх уладаў, балазе мяжа, што праходзіла пад Туравам, паміж Малым і Вялікім Малешавым, ахоўвалася да 1930-х гадоў слаба.

Яўген Макоўскі рабіў інжынерам-таксатарам. Гэта дужа адказная пасада. Інжынер-таксатар арганізоўвае мерапрыемствы па таксацыі лесу, вызначае лясныя запасы, максімальныя аб'ёмы лесанарыхтоўкі, арганізоўвае пасадку новых дрэваў.

Больш нічога пра Яўгена знайсці не ўдалося. Невядома, ці былі ў яго жонка і дзеці. Фота Макоўскага ў адкрытых крыніцах няма.

У жніўні 1956 года рашэннем вайсковага трыбунала справа Беларускага нацыянальнага цэнтра была спынена «за адсутнасцю складу злачынства». Асабістая справа Макоўскага паводле законаў Беларусі можа быць выдадзена толькі сваякам забітага беларуса. Але дзе знайсці тых сваякоў?

У Нясвіжы ўстаноўлены бюст дзеяча ВКЛ Тамаша Макоўскага. А помніка Яўгену Макоўскаму ў Тураве няма. Мадэрная гісторыя краіны ніяк не адужае цыкл бяспамяцтва.

Чытайце таксама:

Першы расстрэл беларускай інтэлігенцыі. 90 гадоў справе «Беларускага нацыянальнага цэнтра»: як гэта было арганізавана

Слуцкія паясы ткалі негрыцянкі — архіўнае адкрыццё

Прыбралі з музея, бо людзі працягвалі на яго маліцца. Выкупленыя беларусамі эскізы праліваюць святло на невядомы раней абраз з Чырвонага касцёла

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
8
Гурвиц/адказаць/
03.12.2023
И чем-же этот Маковский элита? По факту того что попал под какой-то замес ? Тогда и Котлярчук элита? Все эти националистические историки скорее всего не могут преодолеть свои собственные комплексы?
0
Праходзь мiма/адказаць/
03.12.2023
Гурвиц, ты главное не переживай. Не понимать такое для таких ненационалистических как ты это дело стереотипное.
5
Гурвиц/адказаць/
03.12.2023
Праходзь мiма, из-за чего мне переживать? Ваши непризнанные гении Маковские и котлярчуки меньше всего меня волнуют.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031