Знайсці
04.12.2023 / 18:365РусŁacБел

«Быў выяўлены яго аварыйны стан». Гомельскія ўлады знеслі гістарычны будынак на тэрыторыі парку

У сеціве распаўсюдзілася відэа, на якім экскаватар зносіць будынак ля выхаду з Гомельскага парку. Многія гомельцы памылкова падумалі, што знішчаецца старая прыбіральня. Але, як аказалася, у XIX стагоддзі ў гэтым будынку месцілася крама, піша «Флагшток».

Будынак быў пабудаваны ў цагляным стылі ў XIX стагоддзі і, хутчэй за ўсё, у ім знаходзіліся крамы для абслугоўвання раёна Спасава Слабада.

Аб'ект знаходзіўся на тэрыторыі гісторыка-культурнай каштоўнасці «Палацава-паркавы ансамбль» 0 катэгорыі — гэта азначае, што каштоўнасць альбо ўключаная, альбо прапануецца для ўключэння ў спіс Сусветнай спадчыны ЮНЕСКА.

Не заўважыўшы зносу гістарычнага будынка, газета «Гомельская праўда» паспяшалася растлумачыць сітуацыю:

«Хтосьці паспяшаўся з высновамі, напісаўшы ў каментарах пра канчатковае закрыццё і нават знос аб'екта ў парку атракцыёнаў. Паспяшаемся супакоіць песімістычна настроеных грамадзян: ніякага зносу не будзе».

Калі верыць газеце, некаторыя гомельцы прынялі будынак, які зносіўся, за адзіную ў парку прыбіральню. Але насамрэч будынак толькі ўваходзіў у комплекс прыбіральні.

Будынак да зносу

Дырэктар КУП «Гомельскі парк» Віктар Гутыр расказаў «Гомельскай праўдзе», што прыбіральню закрылі на рэканструкцыю — яе «абновяць унутры і звонку, пашыраць жаночае аддзяленне». Прычыну зносу будынка XIX стагоддзя ён не назваў.

«Флагшток» патэлефанаваў Віктару Гутыру, каб удакладніць сітуацыю:

«Па нашых дакументах, пабудова 1981 года, тая частка будынка, якая знесена ў выніку рэканструкцыі прыбіральні, быў выяўлены яго аварыйны стан, пра што далі заключэнне эксперты БелДУТа праектнаму інстытуту Гомельаблбудпраект».

На пытанне аб узгадненні зносу з Міністэрствам культуры дырэктар адказаць адмовіўся і прапанаваў сустрэцца асабіста.

Чытайце таксама:

МНС паказала, як ювелірна падарвала недабуд у Воранаўскім раёне ВІДЭА

Гомельскім ратавальнікам чамусьці спатрэбіўся паліграф

«АГЛ палітычны труп! Я за кастрацыю паўнамоцтваў прэзідэнта». «Флагшток» пратачыўся ў закрыты чат, які з 2020 года адміністраваў супрацоўнік КДБ

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
2
Ха-ха
1
Ого
0
Сумна
1
Абуральна
7
0
Клим/адказаць/
04.12.2023
В Германии, через которую прошла не одна война, здание XII века не редкость. Сохранены фасады старых зданий, внутри современный комфорт и коммуникации, люди живут. Картины XV века - как новенькие. В библиотеках сотни инкунабул (допечатные книги). А как начинается территория экс-СССР, так ничего и нет. Зданию 100 лет - снесено как ветхое. Начало XX века - ой, какая древность. Гордость областной научной библиотеки - одна, чудом сохранившаяся инкунабула. Вы живёте без истории и, похоже, вам история не нужна!
0
Янка/адказаць/
04.12.2023
Манкурты. Белорусов больше нет.
0
Алек. Ру/адказаць/
04.12.2023
Барацьба з гісторыяй працягваецца, лукашуны перамаглі зно у́.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера