Знайсці
07.12.2023 / 20:15РусŁacБел

Штрафам за «экстрэмізм» пакаралі яшчэ аднаго мёрскага медыка

Суддзя суда Мёрскага раёна Ірына Яскевіч 22 лістапада за падпіску ў сацыяльных сетках на «экстрэмісцкі» інфармацыйны рэсурс пакарала штрафам у памеры 740 рублёў работніцу мёрскай бальніцы Валянціну Развадоўскую, піша «Віцебская вясна».

У судзе стала вядома, што Валянціна ў сваім асабістым профілі ў інстаграме «размясціла і захоўвала з мэтай распаўсюджвання публікацыі з інфарэсурсу «Люстэрка». Як і пераважная большасць іншых незалежных СМІ, «Люстэрка» прызнана рэжымам Лукашэнкі носьбітам «экстрэмісцкай» інфармацыі.

На судовым пасяджэнні жанчына віну прызнала і «пакаялася» ў зробленым. Улічваючы ж тое, што «парушальніца» мае на ўтрыманні непаўналетнюю дачку, суддзя Яскевіч на падставе ч. 2 арт. 19.11 КаАП пакарала Развадоўскую штрафам у памеры дваццаці базавых велічыняў, што складае 740 рублёў.

Раней стала вядома, што такое ж пакаранне па тым жа абвінавачанні ад той самай суддзі ў той самы дзень атрымала калега Развадоўскай Алена Шук. 

Чытайце таксама:

Работніцу мёрскай бальніцы аштрафавалі за распаўсюд «экстрэмізму»

Сілавікі затрымалі інжынера з Барысава за ўдзел у пратэстах у 2020 годзе

У Шуміліне спынілі адміністрацыйную справу за «несанкцыянаванае пікетаванне»

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031