Знайсці
09.12.2023 / 17:5522РусŁacБел

«Санта-Клаўс тут больш не спыняецца». Бондарава знайшла «крамолу» на мінскім Галоўпаштамце

Вядомая даносчыца з Гродна Вольга Бондарава наведала Галоўны паштамт у Мінску і, вядома, знайшла там да чаго прычапіцца. А саюзніцу атрымала ў асобе іншай сумнавядомай Вольгі — Чамаданавай.

Абурэнне Бондаравай гэтым разам выклікала тое, што адміністрацыя Галоўпаштамта размясціла ў ім ялінку і паставіла каля яе дзве фігуры — снегавіка з таблічкай Santa stop here («Санта спыніся тут») і Шчаўкунка. Даносчыца дачапілася да выкарыстання вобразу «чужынскага» Санта-Клаўса.

«Галоўпаштамт: Санта-Клаўс тут больш не спыняецца. Бо няма чаго элгэбэтэшных старычын падсоўваць нашым дзецям», — заявіла Бондарава.

Мяркуючы па выстаўленым ёй здымку, яе прэтэнзіі адразу ж былі прынятыя да выканання. На новым здымку ялінка стаіць ужо адна, без ніякіх фігурак.

Відаць, памагла ў гэтым Бондаравай начальніца Галоўнага ўпраўлення ідэалагічнай работы і ў справах моладзі Мінгарвыканкама Вольга Чамаданава, бо ёй даносчыца выказала падзяку:

«Ад усёй душы дзякую чараўніцы-Снягурцы з Мінгарвыканкама Вользе Мікалаеўне Чамаданавай за шчыры і дзейны клопат аб сталічнай моладзі. Што там кіраўніцтва Галоўпаштамта, ці прапануе наведвальнікам любавацца інсталяцыямі з нашымі, айчыннымі героямі казак, з Дзядулем Марозам і Снягуркай?.. Хутка Новы год», — напісала Бондарава.

Чытайце таксама:

Хто можа перамагчы Бондараву і на каго ўплывае Азаронак

Атака Бондаравай на тарты для дарослых правалілася

«Дзіўнае сацспаборніцтва, хто больш напрызнае». ТГ-канал, які звязваюць з Маркавым, пакрытыкаваў сілавікоў за тое, што экстрэмістамі сталі ўсе

«Зрабіў выснову, што нашыя змагары мелі рацыю». Праўладны правакатар схадзіў на прыём у аблвыканкам і расчараваўся ва ўладзе

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
10.12.2023
сумная елка, дзед мароз - гэта чыста камуняцка-крамлёўскі персанаж
0
Ерома/адказаць/
10.12.2023
Полнасцю падзержываю дасталі эцім забугорным сантай но гаразда большэ меня вазмушчает какова чорта і для каво ані пішут на амерыканскім языке белпочта савсем берага папутала
0
Железный Дровосек/адказаць/
10.12.2023
Ну видно ж уже невооруженным глазом—городская сумашедшая. Только что агрессивная. Галоперидол,что там в таких случаях,лоботомию,что там еще.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031