Знайсці
10.12.2023 / 18:129РусŁacБел

Колькі дронаў у беларусаў забралі на патрэбы арміі

Пасля нядаўняга ўказа, які забараняе фізічным асобам мець беспілотнікі, людзі абавязаны пазбавіцца ад іх.

Скрын відэа з тэлеграм-канала «Крылья»

У лістападзе сілавікі аб'явілі, што стварылі валанцёрскую ініцыятыву «Крылы». Беларусаў заклікалі перадаваць свае дроны Узброеным сілам у якасці «дабрачыннай дапамогі».

Ініцыятыва паведаміла, што за гэты час войску было перададзена больш за 70 дронаў.

«На гэтым тыдні яшчэ некалькі дронаў DJI былі перададзеныя аднаму з падраздзяленняў Узброеных сіл. Дроны ўжо актыўна ўкараняюцца і выкарыстоўваюцца нашымі вайскоўцамі», — кажацца ў паведамленні.

Каб здаць дроны, беларусам прапануюць пісаць у бот ініцыятывы і пазначаць горад пражывання і мадэль беспілотніка.

Нагадаем, Аляксандр Лукашэнка ў верасні падпісаў указ № 297 «Аб дзяржаўным уліку і эксплуатацыі цывільных беспілотных лятальных апаратаў». Гэтым ён забараніў мець дроны фізічным асобам, а арганізацыі і ІП абмежаваў у карыстанні.

Указам прадугледжана, што ўвоз на тэрыторыю Беларусі, захоўванне, абарот, эксплуатацыя і выраб цывільных беспілотнікаў дазволеныя толькі арганізацыям і індывідуальным прадпрымальнікам для іх прафесійнай дзейнасці.

Для гэтага арганізацыям і прадпрымальнікам неабходна атрымаць адпаведны дазвол у Дэпартаменце авіяцыі Міністэрства транспарту і камунікацый.

Фізічным асобам увоз на тэрыторыю Беларусі, захоўванне, абарот, эксплуатацыя і выраб цывільных БЛА забараняецца. У фізічных асоб ёсць паўгода, каб прадаць свае дроны ці перадаць на захоўванне арганізацыі, вызначанай урадам.

Чытайце таксама:

Фізічным асобам забараняюць мець дроны, арганізацыям і ІП — абмяжоўваюць

«Альбо вялікі гонар, альбо вялікая ганьба». Што адбывалася на канферэнцыі палка Каліноўскага па стратэгіях вызвалення Беларусі

Юная беларуска атрымала пашпарт замежніка ў Чэхіі на пяць год. Раней яна аддала свой дрон УСУ

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
10.12.2023
можа гэта самі 'сілавікі'?
0
Тутэйшы /адказаць/
10.12.2023
Ведаюць чего баяцца
0
Пан Усялян/адказаць/
11.12.2023
Цікава... Гэты чарапашка-ніндзя на фотаздымку ў гэтых сваіх бушлатных рукавіцах у стане дакладна націскаць на прыціскі каб пакіраваць дронам? Мне здаецца не... У такіх рукавіцах ён у стане толькі за рулю танка трымацца... Ёлупы бляд..
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера