Знайсці
11.12.2023 / 11:156РусŁacБел

Бухвостаў, Вазняк і Калякін паспрабуюць стварыць новую партыю на базе марксізму

9 снежня ў Мінску сфарміраваны арганізацыйны камітэт па стварэнні ў Беларусі новай левай дэмакратычнай партыі.

Сяргей Калякін

Партыю, ідэйнай асновай якой будзе марксізм, паспрабуюць стварыць замест ліквідаванай Вярхоўным судом Беларускай партыі левых «Справядлівы свет» (да 2009 года — Партыя камуністаў Беларусі).

«Як казаў вялікі Гегель, гісторыя мае ўласцівасць паўтарацца. ПКБ/»Справядлівы свет» мы стваралі пасля забароны ў жніўні 1991 года дзейнасці ўсіх камуністычных арганізацый у Беларусі. Новую марксісцкую партыю будзем ствараць пасля чарговай ліквідацыі. Канстытуцыя Беларусі і Закон «Аб палітычных партыях» дазваляюць нам у рамках арганізацыйнага камітэта займацца працай па прыцягненні людзей у ствараную партыю, фарміраванні яе арганізацыйных структур на месцах. Будзем гэта рабіць столькі, колькі спатрэбіцца», — напісаў у фэйсбуку адзін з кіраўнікоў «Справядлівага свету» Сяргей Вазняк.

На паседжанні былі абраныя тры сустаршыні: сам Вазняк, Сяргей Калякін (шматгадовы кіраўнік ПКБ/»Справядлівага свету») і Аляксандр Бухвостаў (дзеяч незалежнага прафсаюзнага руху). 

***

«У Беларусі не засталося палітычных партый, якія маюць адрозны ад улады погляд на становішча спраў у краіне і прапануюць грамадству альтэрнатыўныя варыянты палітычнага і сацыяльна-эканамічнага развіцця дзяржавы.

… Мы заклікаем грамадзян левых дэмакратычных поглядаў далучацца да нашай працы. Беларусь мае патрэбу ў масавай левай палітычнай партыі, якая базуецца на каштоўнасцях свабоды, роўнасці, сацыяльнай справядлівасці, салідарнасці і народаўладдзя.

… Новая партыя будзе імкнуцца забяспечыць сумеснае валоданне працоўнымі сродкамі вытворчасці, іх рэальны ўдзел у справядлівым размеркаванні вынікаў працы», — гаворыцца ў заяве аргкамітэта партыі.

На пачатку 2023 года ў Беларусі было 15 партый, пасля перарэгістрацыі і стварэння праўладнай партыі «Белая Русь» у краіне зарэгістраваныя чатыры партыі: «Белая Русь» (старшыня Алег Раманаў), Ліберальна-дэмакратычная партыя (Алег Гайдукевіч), Камуністычная партыя Беларусі (Аляксей Сокал), Рэспубліканская партыя працы і справядлівасці (Аляксандр Хіжняк). Усе апазіцыйныя партыі былі ліквідаваныя.

Чытайце таксама:

«Павінны стаяць побач з Лукашэнкам». Гайдукевіч выказаўся пра ролю кішэнных партый

У БДУ прайшло масавае ўступленне ў «Белую Русь» на чале з рэктарам

Лукашэнка патлумачыў, чаму зачысціў партыі і навошта патрэбныя тыя, што засталіся

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
11.12.2023
Ещё в 19 веке великий русский писатель Фёдор Достоевский, современник Карла Маркса, прозорливо разглядел в его учении преступную суть, назвав марксизм «скотским учением» и «нелепостью».
1
mikola ramanau/адказаць/
12.12.2023
Udaczy ! Sp.Kaljakinu Pospeha. Sustrakausja z im u Brusseli u Parlamence EU.
0
Саламон /адказаць/
13.12.2023
Будаўніцтва марксісцкай партыі на базісе галоднага і абездоленага народу? Яны Маркса ўвогуле хоць чыталі?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031