Знайсці
11.12.2023 / 17:1813РусŁacБел

«Пацаны МТЗ» даюць перад камерай «слова пацана», каб патлумачыць, «што такое добра і што такое дрэнна»

Прэс-служба Мінскага трактарнага завода выпусціла прома-ролік, у якой апелюе да расійскага серыяла «Слова пацана. Кроў на асфальце». У відэа сваё слова на фоне загалоўнага саўнд-трэка серыяла сказалі «тыя самыя пацаны — пацаны МТЗ».

Скрыншот з відэа

У выдадзеным МТЗ роліку мужчыны, супрацоўнікі розных аддзелаў прадпрыемства далі шэраг «сацыяльных» абяцанняў — гаварыць праўду, дзейнічаць па сумленні, кожны дзень вучыцца новаму, дапамагаць тым, хто мае ў гэтым патрэбу, не паўтараць памылак мінулага, абараняць Радзіму словам і справай, быць законапаслухмяным і гэтак далей.

Кожнае з дадзеных на камеру абяцанняў мужчыны падмацоўваюць фразай «Слова пацана!» з папулярнага расійскага серыяла.

Серыял «Слова пацана. Кроў на асфальце» расказвае пра феномен крымінальнай Казані 1980-х гадоў, ён поўны сцэнаў гвалту і жорсткасці.

Пры гэтым прэс-служба МТЗ суправаджае ролік заявай, што тыя, «хто сталеў у 90-я, ніколі не захоча, каб нават намёкам тыя часы вярнуліся».

«Успомніць — так, вярнуцца — ніколі! Няма ў іх ніякай рамантыкі — толькі змрок і безвыходнасць.

Але хто растлумачыць гэта нашым дзецям, якія падрастаюць тут і цяпер, у мірнай і шчаслівай краіне? Тым, у каго ўяўленне пра тое, што такое добра і што такое дрэнна, сфармавана не ў поўнай меры? Мы ведаем! Тыя самыя пацаны — пацаны МТЗ, якія гатовыя сказаць сваё важкае слова. І яны яго сказалі», — заяўляюць стваральнікі роліка.

Чытайце таксама:

Адну з галоўных роляў у серыяле «Слова пацана» выконвае беларуска. Вось хто гэта такая

З якога раёна, чушпан? Што за серыял «Слова пацана», які рве рэйтынгі

Супрацоўнікі МТЗ на навагоднія святы будуць адпачываць як расіяне

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
0
не такі як ёсць/адказаць/
11.12.2023
Якія там ‘’пацаны’’?! Хіба - ‘’ШЕРСТЬ’’?!
0
Халопчык/адказаць/
11.12.2023
гоблен, і што ў гэтай твані, якая , як піяўка, сьсе расійскае тэлесмецце, беларускага?

Які завод у 90-я называлі ў БССР-Беларусі рассаднікам БНФ?

Так Інстытут Фізікі Акадэміі Навук БССР называлі, бо там Юры Хадыка і іншыя беларусы працавалі.

А от завод? Не чуў пра такое.

Рукі кнігі не чытаюць, а трымаюць. Чытае галава.

Хочаце пабачыць расейца-інтэрнацыяналіста? Вам у Мінск. На любы завод. Хоць на Атлант, хоць на МТЗ. Небеларуская гэта ментальнасць, а расейская.
0
змрок і безвыходнасць/адказаць/
12.12.2023
Гэта сёньня пры расцвете лукашызма. А ў 90-х быў і аптымізм, і надзеі, і рамантыка..
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера