Знайсці
11.02.2024 / 14:467РусŁacБел

Навошта Крамлю патрэбныя тэорыі пра хваробы, смерці і двайнікоў Пуціна

Амерыканская газета The Wall Street Journal (WSJ) апублікавала вялікі артыкул пра прафесара Валерыя Салаўя, у якім тлумачыць, як яго прагнозы могуць быць выгадныя Крамлю, піша «Агентство». 

Уладзімір Пуцін. Фота: GETTY IMAGES

Экспертамі ў матэрыяле выступілі экс-дарадца Джорджа Буша-малодшага па Расіі Томас Грэм і Эрык Грын, які займаў аналагічную пасаду ва ўрадзе Джо Байдэна. На думку экспертаў, Салавей можа выкарыстоўвацца Крамлём для таго, каб запоўніць інфармацыйны вакуум вакол Пуціна сумнеўнай інфармацыяй, ствараць ілжывае адчуванне, што кіраўнік, які стаў сурʼёзнай праблемай для Захаду, хутка памрэ і дыскрэдытаваць астатнія незалежныя СМІ.

Калі выйшла інтэрвʼю Такера Карлсана з Уладзімірам Пуціным, прафесар Салавей паведаміў, што амерыканскі журналіст гутарыў з двайніком, які цяпер будзе выдавацца мільёнам жыхароў планеты за рэальнага Пуціна.

«Пуцін мёртвы, незваротна мёртвы, ён больш не ўваскрэсне, ён застанецца ў маразілцы», — заявіў Салавей у пачатку гэтага тыдня.

Упершыню пра смерць расейскага прэзідэнта ён паведаміў летась і з тых часоў працягвае настойваць, што ягонае цела ляжыць у маразільнай камеры.

Заявы Салаўя «частка анлайн-фабрыкі чутак пра здароўе Пуціна», якая стала больш прыкметнай на фоне канфрантацыі Расеі з Захадам. У 2020 годзе ў Google быў папулярны запыт «Пуцін Паркінсан», у 2022 годзе — «рак Пуціна», летась запыт «двайнік Пуціна» заставаўся ў топе цягам усёй восені. 

Заявы Салаўя і публікацыі тэлеграм-канала «Генерал СВР» пра стан здароўя Пуціна актыўна перадрукоўвалі заходнія таблоіды. Гэта «збівала з панталыку высокапастаўленых чыноўнікаў», піша WSJ. Справа дайшла нават да таго, што кіраўніку ЦРУ Уільяму Бёрнсу ў ліпені 2022 года давялося публічна абвергнуць гэтыя чуткі, заявіўшы, што Пуцін «занадта здаровы». 

Паводле адной з тэорый, піша газета, у Крамлі Салаўя, якога Мінюст восенню 2022 года абвясціў замежным агентам, церпяць як карысны інструмент.

Спекуляцыі аб хуткай смерці Пуціна могуць паставіць пад сумнеў неабходнасць ціску на яго і Расею, мяркуе Грэм, які быў дарадцам Буша-малодшага ў Расеі. Па словах Грэма, каментатары накшталт Салаўя маюць вялікі ўплыў на Захадзе з-за недахопу інфармацыі пасля закрыцця расейскіх бюро замежных СМІ і скарачэння колькасці супрацоўнікаў у пасольствах.

Паводле іншай тэорыі, Салавей можа быць патрэбны Крамлю, каб пасля падаўлення незалежных СМІ і дыскрэдытацыі іх рэшткаў канчаткова падарваць давер да іх крыніц, ператвараючы любую навіну ў сумнеўную.

«Сэнс у тым, каб зрабіць усё неверагодным»,

— сказаў Грын, які да мінулага года быў галоўным дарадцам Байдэна па Расеі ў Радзе нацыянальнай бяспекі. Нават калі Салавей аднойчы прызнае, што Пуцін жывы, гэта яшчэ больш пашкодзіць іміджу СМІ ў цэлым, «так што прайграюць усе», лічыць Грын.

Публікацыі «Генерала СВР» могуць аказваць уплыў і ўнутры краіны. Калі ў Расеі калі-небудзь адбудзецца дзяржаўны пераварот, то ўзнікнуць пэўныя сумневы ў гэтым. Прагнозы Салаўя могуць дапамагаць і больш шырокай стратэгіі Крамля, накіраванай на тое, каб пераканаць расейцаў у розных тэорыях змовы і тым самым зрабіць іх палітычна неактыўнымі, сказаў Грэм.

Салавей у інтэрвʼю WSJ заявіў, што яго крыніцы — «вельмі высокапастаўленыя людзі». Па словах былога прафесара, яго інфармацыі давяраюць украінскія ўлады. WSJ нагадала, што кіраўнік вайсковай выведкі Украіны Кірыл Буданаў летась казаў пра хваробу Пуціна, ягоных двайнікоў і інсцэніроўку гібелі Яўгена Прыгожына.

@nashaniva Прэзідэнт Манголіі прыгожа патроліў Пуціна #новости#путин#россия#интервью#беларускітыкток#пабеларуску#владимирпутин#монголия#мова♬ Trollge Phonk (Sped Up) - AMOGUS & KYÖ$TIMANE & BXRSXRK

Чытайце таксама:

«Двайнік Пуціна — гэта цясляр Яўген Васільевіч з Беларусі». Што?

«Генерал СВР» Валерый Салавей расказаў, навошта ён прыдумаў пра Пуціна ў халадзільніку

У Маскве затрымалі вядомага блогера, палітолага Валерыя Салаўя

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
12
Панылы сорам
15
Ха-ха
9
Ого
3
Сумна
4
Абуральна
5
11.02.2024
Соловей - это плодово-ягодный инфокрыжачок для заливания и так слабых мозгов народонаселения.
1
Янка/адказаць/
11.02.2024
Тое, што Салавей з'яўляецца бібабо ФСБ - стала канчаткова зразумела па меры рэзкага ўзмацнення рэпрэсій у Расеі пасля 24.02.2022, калі пераслед за крытыку рэжыма стаў адкрытым, нават за "нет вобле". А Салавей спакойна распавядае абразлівыя байкі пра вышэйшае кіраўніцтва расеі, ахвотна раздае інтэрв'ю, і адчуванне такое, што статус "інагента" яму ніяк не замінае.
11.02.2024
У мяне іншае пытанне: навошта беларускім смі тыражыраваць крамлеўскую хлусню пра "хваробы, смерці і двайнікоў Пуціна" і пра "Лукашэнка памірае"?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031