Знайсці
13.02.2024 / 15:14РусŁacБел

Біткойн перавысіў $50 тысяч упершыню з 2021 года

Калі першапачаткова біткойн прасоўваўся як альтэрнатыва традыцыйнай фінансавай сістэме, то цяпер інакш.

Фота: Paul Yeung / Bloomberg via Getty Images

Курс біткойна ўпершыню за больш чым два гады падняўся вышэй за $50 тысяч. Папярэдні раз біткойн таргаваўся на ўзроўні $50 тыс. у снежні 2021 года, праз месяц пасля дасягнення гістарычнага максімуму ў $69 тыс. У 2022 годзе адбылося некалькі значных абвалаў рынку, але з пачатку 2023 года кошт першай крыптавалюты вырас амаль у тры разы, піша РБК.

Калі першапачаткова біткойн прасоўваўся як альтэрнатыва традыцыйнай фінансавай сістэме, то цяпер рост праходзіць на фоне аптымізму, што падтрымка ў ЗША біржавых фондаў (ETF) на аснове біткойна прывядзе да больш шырокага прызнання крыптавалют на традыцыйных фінансавых рынках.

Дзевяць амерыканскіх біржавых фондаў, якія гандлююць біткойнам на споце, дэбютавалі 11 студзеня, фонд Grayscale Bitcoin Trust (GBTC) у 2013-м быў ператвораны ў паўнавартасны ETF. Даступнасць і легальны статус ETF спрыяе пашырэнню базы інвестараў для крыптавалюты. Новыя фонды ўжо прыцягнулі каля $ 8 млрд, у той час як адток сродкаў з фонду GBTC, які перавысіў $6 млрд з моманту яго пераўтварэння, здаецца, сыходзіць на нішто.

Адным з ключавых фактараў цяперашняга росту біткойна выступае рост попыту з боку інстытуцыйных інвестараў пры ўстойліва пазітыўным прытоку сродкаў у спотавыя біткойны — ETF, тлумачыць аналітык рынку крыптавалют Віктар Першыкаў. Адсутнасць ціску з боку майнераў і буйных трымальнікаў манет, якія не ўзмацняюць продажу біткойна, дазваляюць цане адчуваць сябе камфортна і фармаваць умовы для працягу сярэднетэрміновага ўзыходзячага трэнду, лічыць аналітык.

На рост курсу паўплывалі і сезонныя фактары, паказвае былы кіраўнік па Азіі і Усходняй Еўропе ў Binance Глеб Костараў. Традыцыйна перад кітайскім Новым годам біткойн расце, бо кітайскія кампаніі выплачваюць бонусы. Гістарычна люты заўсёды быў пазітыўным месяцам для крыптавалют.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
2
Ха-ха
0
Ого
0
Сумна
0
Абуральна
0
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера