Знайсці
21.02.2024 / 20:132РусŁacБел

«Аліварыя» да свайго юбілею вырабіла «піўное шампанскае»

Півавары бровара «Аліварыя» да 160-годдзя прадпрыемства абвясцілі пра стварэнне двух новых гатункаў піва, светлага і цёмнага, якія адносяцца да крафтавай катэгорыі. Пра гэта паведамляецца на сайце кампаніі.

Адзін з гэтых новых гатункаў — светлае піва, якое па знешніх і смакавых характарыстыках нагадвае пеністае віно. Яно называецца «Аліварыя Святочнае Brut Lager». Пра яго вытворцы пішуць так:

«Сухасць і лёгкая кіслінка ў смаку, якія характэрныя для брута, былі дасягнутыя дзякуючы глыбокай ступені зброджвання. Пры вытворчасці выкарыстоўваўся спецыяльны амерыканскі хмель, які дазваляе дамагчыся ў смаку кветкавых нотак з лёгкімі адгалоскамі маракуя. А яшчэ гэты гатунак адрозніваецца павышанай «шыпучасцю» і некласічным піўным колерам. Утрыманне алкаголю — 5,4%».

Цёмнае піва называецца «Аліварыя Юбілейнае Milk Stout»:

«База гэтага гатунку — карамельны і пражаны солад, дзякуючы якому ў смаку з'яўляюцца ноты пражаных кававых зерняў. У піва дадалі натуральны экстракт какоса і малочны цукар, каб дамагчыся густой крэмавай тэкстуры з пышнай пенай. Акрамя таго, малочны цукар робіць стаут мякчэйшым, ствараючы сметанковы паслясмак. Утрыманне алкаголю — 5,5%».

Абодва гатункі створаныя, як сцвярджаецца, па аўтарскіх рэцэптах. А для таго каб падабраць ідэальнае спалучэнне інгрэдыентаў, вытворцы вывучалі і натхняліся распрацоўкамі Carlsberg Group. Для афармлення новых гатункаў прадрыемству спатрэбілася ўстаноўка дадатковага абсталявання.

«Аліварыя Святочнае Brut Lager» і «Аліварыя Юбілейнае Milk Stout» ужо паступілі ў продаж і будуць паступова з'яўляцца ў крамах па ўсёй краіне.

Чытайце таксама:

Фінскі канцэрн Olvi хоча прадаць «Лідскае піва», а не можа

Беларусы аказаліся сярод найлепшых бровараў Літвы

Беларусы сталі піць менш гарэлкі і піва

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
14
Панылы сорам
2
Ха-ха
0
Ого
0
Сумна
0
Абуральна
1
1
ігрыстае/адказаць/
21.02.2024
"Пры вытворчасці выкарыстоўваўся спецыяльны амерыканскі хмель,"
амерыканскі? а як жа санкцыі?)
6
Максим Дизайнер/адказаць/
21.02.2024
Хоть китайский. Как было ослиной мочей из сена и соломы, так и осталось. Первая партия будет с хмелем, остальные - с навозом.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930