Знайсці
22.02.2024 / 23:053РусŁacБел

Будынак былой слонімскай сінагогі набыў за бесцань расіянін

Атрымаў новага ўладальніка помнік барочнай архітэктуры ў Слоніме. Будынак былой сінагогі, пабудаваны ў 1648 годзе, прадалі на аўкцыёне ўсяго за 42 рублі. У «БУТБ-маёмасць» расказалі, хто стаў новым уладальнікам аб'екта з гісторыяй, які прадавалі з красавіка мінулага года.

Фота: БУТБ

У пачатку 2020 года памятны будынак быў ужо прададзены за 30 тысяч рублёў, або 9300 даляраў па курсе. Гаспадыняй сінагогі стала дзіцячая пісьменніца і педагог з Мінска Ілона Караваева (псеўданім Рыўз Іаана). Па словах жанчыны, купля стала данінай павагі яе блізкім сваякам, якія пасля вайны жылі ў Слоніме.

Будынак сінагогі быў у аварыйным стане, таму на яе рэканструкцыю патрабавалася больш за 50 000 даляраў. Жанчына не змагла сабраць патрэбную суму, таму помнік архітэктуры вярнулі мясцоваму райвыканкаму.

Караваевай вельмі не пашанцавала ў тым ліку і таму, што ўзялася рэалізоўваць сваю задуму яна ў вельмі неспрыяльны час. Якраз тады пачалася пандэмія каранавірусу, тады выбары з пратэстамі, а потым заходнія санкцыі і вайна ва Украіне. У такіх умовах заснаваны Караваевай фонд «Ратуючы спадчыну» за час сваёй працы сабраў усяго 2700 рублёў, што было кропляй у моры патрэбаў. А пасля пачатку вайны ва Украіне ахвяраванні ад беларусаў спыніліся, а фінансаванне міжнароднымі арганізацыямі, па словах Караваевай, стала немагчымым з-за санкцый, «паколькі з беларускімі банкамі заходні бок не супрацоўнічае ці не рызыкуе супрацоўнічаць». 

Сёння стала вядома, што новым гаспадаром Слонімскай сінагогі стаў расіянін, асоба якога не раскрываецца. У «БУТБ-маёмасць» растлумачылі: ён быў адзіным прэтэндэнтам на куплю аб'екта, таму цана аказалася сімвалічнай — усяго 42 рублі.

Цяпер новы ўладальнік мае пяць гадоў на тое, каб увесці будынак у эксплуатацыю. Пры продажы ставілася ўмова захаваць у працэсе аднаўлення ўсе мастацкія, стылістычныя і канструктыўныя асаблівасці гэтага будынка. 

Чытайце таксама:

На аўкцыён за адносна невялікія грошы выставілі сядзібу XIX стагоддзя, якой валодала легендарная беларуская мецэнатка

Аршанец выставіў на аўкцыён пратэрмінаваную згушчонку

На аўкцыён выставілі ўнікальны лот: барысаўскія запалкі, што перажылі вайну

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
4
Ха-ха
4
Ого
1
Сумна
15
Абуральна
10
0
Азартныя гульні з лукашыстамі/адказаць/
23.02.2024
42 BYN гэта толькі плата за ўваход, каб выйсці прыдзецца прадаваць маёмасць. Маскаль малады, бязглузды ня ведае гісторыі другіх 'інвестараў'.
0
Бондарева /адказаць/
23.02.2024
Условия скорее всего: 2 года на ввод в эксплуатацию. Однако инвестор это время потратит даже не на проект, а на получение разрешения на проектирование и строительство. Лучше сразу знать какой будет штраф
0
Жора/адказаць/
23.02.2024
Папярэднія прэтэндэнты ці зрабілі хоць праект?
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930