Знайсці
23.02.2024 / 11:268РусŁacБел

Галоўны рэдактар літоўскай газеты Respublika набіваецца на інтэрв'ю да Лукашэнкі: «Пуцін для мяне дробны»

Размаўляць са Святланай Ціханоўскай Вітас Томкус не хоча.

Вітас Томкус. Фота: асабісты архіў

Галоўны рэдактар і ўладальнік літоўскай газеты Respublika Вітас Томкус спадзяецца асабіста ўзяць інтэрв'ю ў Аляксандра Лукашэнкі. Каб звярнуць на сябе ўвагу ўладаў у Мінску, ён напісаў фельетон, поўны сумніўнага сарказму і, мабыць, зразумелага літоўскаму чытачу гумару, піша Reform.by.

У артыкуле ён паведаміў, што звярнуўся ў пасольства Беларусі з просьбай аб інтэрв'ю і атрымаў адказ, што ягоны ліст перададзены ў адміністрацыю Лукашэнкі. Ён нагадаў, што ў 2020 годзе падчас масавых пратэстаў яму ў такім інтэрв'ю адмовілі. Тады ён, па яго прызнанні, хацеў даведацца ў Лукашэнкі, навошта бегаць з аўтаматам, калі можна ўсіх беларусаў пасадзіць на COVID-каранцін.

Размаўляць Томкус са Святланай Ціханоўскай не хоча, бо яна яму і так «дорага абыходзіцца».

«Калі б я вельмі хацеў, я мог бы знайсці на вакзале і танней», — відаць, грэбліва напісаў галоўрэд газеты Respublika.

Яму здаецца, што ягоны ўзровень — толькі Лукашэнка. Бо яны абодва «апошнія з магікан», займаюць свае пасады дзесяцігоддзямі.

Яшчэ адзін чалавек, які, ва ўяўленні Томкуса, знаходзіцца дзесьці побач — Такер Карлсан. Але Томкус адразу папярэджвае, што ён не Карлсан і пытацца ў Лукашэнкі пра гісторыю не будзе. Ды і апошні герой амерыканскага журналіста драбнаваты для галоўрэда Respublika, лічыць Томкус.

Магчыма пасля такога тэксту Вітас Томкус можа разлічваць на аўдыенцыю беларускага кіраўніка.

Чытайце таксама:

Лукашэнка павіншаваў літоўцаў, а не кіраўніцтва з нацыянальным святам і панаракаў на спыненне эканамічных сувязяў

Балтыя застаецца хабам для паставак санкцыйных тавараў у Расію. Чаму з гэтым нічога не робяць — Politico

У Літве прапанавалі пазбаўляць дазволаў на жыхарства беларусаў, якія часцей чым раз на месяц ездзяць на радзіму

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
3
Панылы сорам
30
Ха-ха
7
Ого
0
Сумна
1
Абуральна
6
23.02.2024
[Рэд. выдалена]
0
Ён мае рацыю/адказаць/
23.02.2024
Бо такі ж ёлупень як і самазванец.
0
Влад/адказаць/
24.02.2024
Ну и в чём проблема? Хочет - нехай хоть у Луки хоть у Путина интервью берёт!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930