Знайсці
25.02.2024 / 11:3086РусŁacБел

Лукашэнка заявіў, што будзе ўдзельнічаць у прэзідэнцкіх выбарах 2025 года

Аляксандр Лукашэнка заявіў, што будзе ўдзельнічаць у прэзідэнцкіх выбарах у наступным годзе. «І чым актыўней яны будуць бударажыць грамадства, тым верагодней, што пайду». 

 Аляксандр Лукашэнка на пытанне аб прэзідэнцкіх выбарах у Беларусі, якія павінны адбыцца ў 2025 годзе, адказаў: «Перадайце ім, што пайду!»

«Чым складаней будзе абстаноўка, чым актыўней яны [апазіцыя] будуць бударажыць грамадства, вас у тым ліку (для мяне, паверце, гэта вельмі важна — ні адзін чалавек, адказны прэзідэнт, не кіне сваіх людзей, якія за ім ішлі ў бой), — звярнуўся ён да праўладных журналістаў на ўчастку, — чым больш яны будуць напружваць мяне, вас і грамадства, тым хутчэй я пайду на выбары».

Лукашэнка даў сваё тлумачэнне, чаму мала хто ў Беларусі цяпер захоча балатавацца на прэзідэнцкіх выбарах: «Людзі пачынаюць разумець: прэзідэнт у Беларусі — гэта вельмі цяжкая праца! І не кожны на гэта вырашыцца».

Лукашэнка ўдакладніў, што наперадзе яшчэ год да прэзідэнцкіх выбараў, таму «многае можа змяніцца».

«Натуральна, я і ўсе мы, грамадства будзем рэагаваць на тое, якія змены будуць адбывацца ў нашым грамадстве і ў якой сітуацыі мы падыдзем праз год да галасавання», — сказаў ён. 

Паводле яго слоў, цяпер ён думае пра іншае: як годна правесці Год якасці. «Каб нават калі цяперашні прэзідэнт не пойдзе на выбары, вы запомнілі. А апошняе запамінаецца. Таму гэты год будзе вельмі актыўным, і я на гэта настройваю грамадства і ўсю вертыкаль улады, якая сумленна і добрасумленна працавала і будзе працаваць да выбараў», — сказаў ён.

Адказваючы на пытанне журналістаў, Лукашэнка ацаніў перспектывы апазіцыі змяніць уладу ў Беларусі.

«Усё роўна — удоўгую яны будуць гуляць ці ў кароткую — мэта адна: трэба Беларусь разгарнуць у зваротным кірунку. А каб яе разгарнуць, трэба зрынуць дзейную ўладу. Гэта будзе вельмі складана, я ўпэўнены. Асабліва пасля правядзення адзінага дня галасавання, выбараў. Таму што абярэм мы абсалютна надзейных, талковых людзей, якія разумеюць, якія задачы стаяць перад нашым народам. Таму ні адзін з варыянтаў, нават самыя радыкальны, у іх не пройдзе ў Беларусі», — мяркуе ён.

Паводле яго, рэжым разам з Расіяй разглядае розныя сцэнары развіцця падзей. 

«Мы заўсёды будзем адзіныя з Расіяй. У такой сітуацыі мы супрацьстаяць можам любому суперніку. Таму што цяперашні свет — гэта сіла, разумеюць толькі сілу. Калі мы, прабачце мяне, соплі распусцім і будзем змагацца за дэмакратыю і нейкую эфемерную свабоду — вы ўбачылі, якая ў іх «дэмакратыя», — сказаў ён. 

Лукашэнка таксама заявіў, што нідзе ў свеце няма такіх «адкрытых і сумленных» выбараў, як у Беларусі.

Чытайце таксама:

Лукашэнка не пойдзе на наступны тэрмін? Латушка і Карбалевіч адказваюць Чаламу

Чалы: Лукашэнка не будзе балатавацца на наступных выбарах

«Лукашэнка пры распадзе Расіі накладзе лапу на ядзерны арсенал». Расійская апазіцыя правяла з'езд у эміграцыі РЭПАРТАЖ

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
6
Панылы сорам
26
Ха-ха
57
Ого
1
Сумна
0
Абуральна
31
26.02.2024
[Рэд. выдалена] ) ну как представитель одной из древнейших профессий может не любить представительницу другой, но тоже одной из древнейших профессий )
1
«субета»/адказаць/
26.02.2024
Пеця, а чаму Прэзiдэнт з вялікай літары? вось прыбіральшчыца не піша, што яна Прыбіральшчыца, а тут чаму? філалагіня так сказала?) https://www.youtube.com/watch?v=4MXPNwLqxyM&t=1505s
1
«субета»/адказаць/
26.02.2024
і яшчэ, Пеця
"В Стране восходящего солнца имя С.-та, скорее всего, услышат как «субета», то есть женщина легкого поведения."
вось чаму ваша Прэзiдэнт не хоча ляцець у бок узыходзячага сонца?)
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930