Знайсці
25.02.2024 / 16:3534РусŁacБел

«Схадзіў. Прагаласаваў. Укінуў». Паэт Славамір Адамовіч схадзіў на выбары і даў інтэрв'ю прапагандзе

Паэт, якога калісьці судзілі за верш «Убей презідента», даў інтэрв'ю «Мінскай праўдзе». Згадаў і Ціханоўскую з Калеснікавай.

Славамір Адамовіч. Скрын відэа pol.mlynby / YouTube

У інтэрв'ю Адамовіч казаў, што дайшоў да таго, каб пісаць вершы па-руску і цяпер жыве на дзве краіны — Беларусь і Нарвегія. І згадаў непрыемны выпадак, які здарыўся з ім у Нарвегіі ў нулявыя. Тады ён толькі атрымаў камунальную кватэру.

«Я адкрыў дзверы. Мне адразу ў лоб і вырубілі».

Па словах паэта, пасля гэтага ён праз два месяцы выехаў у Беларусь. «Гэта было канкрэтнае вяртанне. Тады ў мяне каля 10 тысяч было. За два гады я сабраў яшчэ не працуючы. І дамоў праз Стакгольм «Белавіяй».

Па словах Адамовіча, чакаючы самалёт, ён «з эмацыйным задавальненнем парваў свой першы часовы нарвежскі пашпарт. <…> Трэба было бачыць, як глядзела на мяне работніца аэрапорта, якая прапускала [на пасадку]. Але ж я свой беларускі пашпарт захоўваў, — расказаў паэт і дадаў: Я вось чуў, што ёсць упартыя, што рвуць беларускія пашпарты, што па меншай меры глупства».

Адамовіч прыгадаў, што ў канцы 2020-га зноў выехаў з Беларусі ў Нарвегію. «Сказаў сабе — далей ад граху».

Адамовіч распавёў, што адзін раз спецыяльна прыязджаў на сустрэчу з Святланай Ціханоўскай.

«Я спецыяльна з свайго запалярʼя прыляцеў. Яна знаёмілася. На той час ужо год прайшоў, было каму сустракаць гэту нашу зямлячку.

Можа быць, лексіка трохі выклікае ўсмешку: «Наш прэзідэнт Святлана». У маіх вачах, абʼектыўна, гэта чалавек, які прэзентуе нас, апанентаў. Яна рэпрэзентант, прадстаўнік».

Славамір Адамовіч прыняў удзел у парламенцкіх выбарах.

«Схадзіў. Прагаласаваў. Укінуў», — сказаў паэт, але не стаў расказваць, за каго галасаваў.

Славамір Адамовіч на выбарчым участку. Скрын відэа pol.mlynby / YouTube

Пры канцы 1980-х Славамір Адамовіч быў агентам КДБ, засланым у літаб’яднанне «Тутэйшыя» і незалежніцкія асяродкі моладзі. Ëн сам у гэтым прызнаўся пасля падзення СССР у 1991 годзе. У 1995 годзе ён напісаў верш «Убей презідента», за што быў затрыманы ў красавіку 1996 года і правёў 10 месяцаў у зняволенні. З 2000 да 2009 года жыў у ЗША і Нарвегіі, пасля вярнуўся ў Беларусь. У 2019 годзе яго судзілі за бытавы крадзеж. Яму пагражала да 4 гадоў пазбаўлення волі, але суд абмежаваўся 2 гадамі хатняй хіміі. Сам Адамовіч тады назваў гэты крадзеж «псіхалагічнай разрадкай».

Чытайце яшчэ:

Паэту Славаміру Адамовічу прысудзілі 2 гады хатняй «хіміі»

Славамір Адамовіч: «Думаю, прыехаў назаўсёды»

Славаміра Адамовіча вінавацяць у экстрэмізме за апавяданне, надрукаванае дзевяць гадоў таму

Чарговы скандал са Славамірам Адамовічам: падчас Дня Волі знёс заплечнік у «рудой феі» і фатаграфаваў яе рэчы

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
3
Панылы сорам
98
Ха-ха
15
Ого
5
Сумна
5
Абуральна
16
0
Стакан/адказаць/
26.02.2024
Максим Дизайнер, навошта так самакрытычна пра сябе?
0
Заводик/адказаць/
26.02.2024
Максим Дизайнер, с женой не срослось, и с заводиком тоже, стаканами звинит когда наливают.
0
Антон /адказаць/
26.02.2024
Прыгожае
Прыгожае – гэта пальцы
тонкія ў срэбных пярсьцёнках,
і пальцы, якія на пляцы
фармуюць кулак нашай моцы.
Прыгожае – гэта свабода
ня рыжай лістоце восені,
скарынка чыстага лёду,
старая вінтоўка Мосіна.
Прыгожае – гэта жанчына,
здольная здрадзіць прыгожа
і толькі з тае прычыны,
што доўга цярпець ня можа...
Ня трэба так хвалявацца:
яна пагуляе і вернецца.
Шукай жа, мужчына, працу
для рук тваіх дужых і сэрца.

Паэт, правакатар, лідэр безумоўна значная фігура у равалюцыйныя 90-тыя
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930