Знайсці
27.02.2024 / 07:421РусŁacБел

Макрон не выключыў магчымасці адправіць войскі заходніх краін ва Украіну

«Мы зробім усё магчымае, каб Расея не змагла выйграць гэтую вайну», — сказаў прэзідэнт Францыі.

Олаф Шольц і Эмануэль Макрон. Фота: Lewis Joly / AP

Магчымасць адпраўкі сухапутных войскаў заходніх краін ва Украіну абмяркоўвалася на канферэнцыі ў Парыжы, але прысутныя не прыйшлі да кансенсусу па гэтым пытанні, паведамляе «Суспільне».

Пра гэта прэзідэнт Францыі Эмануэль Макрон сказаў пасля завяршэння канферэнцыі па падтрымцы Украіны, якая адбылася ў Парыжы.

«Мы гэта абмеркавалі. Пакуль кансэнсусу па адпраўцы войскаў няма. Але ў гэтым пытанні ў будучыні нічога не варта выключаць.

Мы зробім усё магчымае, каб Расія не змагла выйграць гэтую вайну», — сказаў Макрон.

Ён адзначыў, што ўсе лідары згодныя з фактам, што не хочуць уступаць у вайну з «расійскім народам», а таксама выказалі намер стрымліваць эскалацыю, як яны гэта робяць з пачатку ўварвання РФ ва Украіну.

Макрон адзначыў, што заходнія краіны «маюць намер зрабіць усё неабходнае, каб Расія не магла» атрымаць перамогу ў гэтым канфлікце.

«Усё магчыма, калі гэта карысна для дасягнення нашай мэты», — сказаў прэзідэнт Францыі.

Сустрэча ў Парыжы па Украіне 26 лютага

Сустрэча ў Елісейскім палацы адбылася ў Парыжы 26 лютага. У канферэнцыі прынялі ўдзел канцлер ФРГ Олаф Шольц, прэзідэнт Польшчы Анджэй Дуда і прэм'ер-міністры каля 20 краін ЕС. На сустрэчы Злучаныя Штаты Амерыкі прадстаўлялі памочнік дзяржсакратара ЗША па справах Еўропы і Еўразіі Джэймс О'Браен, а Злучанае Каралеўства — кіраўнік МЗС Дэвід Кэмеран.

Пасля сустрэчы прэзідэнт Францыі Эмануэль Макрон заявіў, што заходнія партнёры Украіны стварылі кааліцыю па пастаўках Украіне дальнабойнага ўзбраення. Таксама Макрон не выключыў магчымасці адправіць войскі заходніх краін ва Украіну.

Чытайце таксама:

Некаторыя краіны ЕС і НАТА разглядаюць магчымасць накіраваць сваіх салдат ва Украіну — прэм'ер Славакіі

Зяленскі назваў час пераломнага моманту ў вайне ва Украіне

Зяленскі пра правал контрнаступу: планы Украіны былі на стале ў Крамлі яшчэ да пачатку

Зяленскі ўпершыню назваў колькасць загінулых украінскіх вайскоўцаў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
12
Панылы сорам
1
Ха-ха
1
Ого
0
Сумна
0
Абуральна
1
27.02.2024
To bok, hetaja tema (udziel vojskaú NATO ú vajnie va Úkrainie) úžo vyjśla vonki z vysokich kabinietaú adkaznych asobaú zachodnich krainaú. Biezumoúna, jana abmiarkoúvalasia tam i raniej, biez vychada ú hramadztva. Heta bylo bačna pa zajavach zachodnich lidaraú u čas samitaú roznshs úzroúniu, i kankretnych krokaú. Napryklad pavarot da vizavych abmiežavańniaú, uskladnieńni z liehalizacyjaj (abo tataļnaja admova), pierahliad užo vydanych DNŽ, pastrožany režym na miežach i zakryćcio namiežnych pierachodaú, i t.d. To bok, usio, što tyčycca niepasredna mihracyi liudziej z liahieru krainaú-chaúruśnikaú Rasieji, u toj čas, jak hruzavyja pieravozki i ekanamičnyja stasunki, pa-za miežami sankcyjaú, pakinuty biez dadatkovych abmiežavańniaú... Usio heta vydavala z'jaúlieńnie niejkich plianaú i pačatkovuju padrychtoúku da ich. A ja daúno tut vykazvaú mierkavańnie, što na niejkim etapie vajny NATO úkliučycca ú niepasredny údziel u joj. Bo zachadu nachren nia treba hety kanflikt, jon calkam spyniaje úsie pracesy ekanamičnaha i sacyjaļnaha razvićcia i razburaje úsiakaje plianavańnie i sam isnujučy paradak, jaki zabiaspiečvaje ùlasna mahčymaść niejkaj pradkazaļnaj budučyni zachodniej cyvilizacyi. Nabližajecca čas, kali zachad budzie prosta vymušany dziejničać inšymi srodkami, pasiúnyja sproby vyrašyć prabliemu pakazali svaju nieefiektyúnaść, i heta vidavočna úsim.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930