Знайсці
27.02.2024 / 18:00РусŁacБел

У Гомелі судзілі пенсіянера, які пашкодзіў машыну скарынкай кавуна

У судзе Цэнтральнага раёна Гомеля разгледжаная крымінальная справа, фігурантам якой стаў 63-гадовы пенсіянер. Яму было выстаўлена абвінавачванне ў хуліганстве, спалучаным з пашкоджаннем чужой маёмасці, паведамляе «Гомельская праўда».

Інцыдэнт адбыўся ў жніўні мінулага года. У той вечар пенсіянер піў моцныя напоі і закусваў іх кавуном, які крыху раней знайшоў каля смеццевых кантэйнераў. А ўжо бліжэй да ночы мужчына вырашыў пазбавіцца ад кавуновых скарынак, для чаго выйшаў на балкон і стаў кідаць іх у двор.

Адна з гэтых скарынак звалілася на дах аўтамабіля Chevrolet Aveo, пакінуўшы на ім увагнутасць. Уладальніца машыны звярнулася ў міліцыю.

Спачатку пенсіянер адмаўляў сваю датычнасць да нанесенай шкоды, аднак затым пакаяўся і цалкам яе кампенсаваў, заплаціўшы 520 рублёў. Ні на следстве, ні ў судзе мужчына не змог уцямна растлумачыць свае дзеянні.

«Паводле прысуду суда абвінавачанаму прызначана пакаранне ў выглядзе штрафу ў памеры трыццаці базавых велічынь, што складае 1200 рублёў, — паведаміў старшы памочнік пракурора Гомеля Аляксандр Шапавалаў. — Акрамя таго, устаноўлена, што пенсіянер пакутуе на хранічны алкагалізм, у сувязі з чым у дачыненні да яго ўжытыя прымусовыя меры бяспекі і лячэння».

Чытайце таксама:

Мінчанка выкінула падораную парфуму з 12 паверха і пашкодзіла два аўтамабілі. Зараз у жанчыны — вялікія непрыемнасці

П'яны мінчук пабіўся з агітацыйным стэндам

У Гродне мужчына так ударыў нагой у спіну пенсіянера, што той пераляцеў цераз лаўку

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
6
Ха-ха
0
Ого
2
Сумна
1
Абуральна
0
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930