Знайсці
27.02.2024 / 20:08РусŁacБел

Пастару з Новалукомля далі за малітву за Украіну 15 сутак

Аляксандр Зарэцкі, пастар евангельскай царквы Новалукомля, быў затрыманы 22 лютага за тое, што падчас набажэнстваў у ягонай грамадзе гучала малітва за спыненне вайны ва Украіне. Сёння стала вядома, што святару прызначылі 15 сутак арышту паводле арт. 19.11 КаАП (распаўсюд экстрэмісцкіх матэрыялаў), піша «Хрысціянская візія».

Раней мясцовыя ідэолагі неаднаразова выказвалі прэтэнзіі пастару за яго актыўную пазіцыю і пагражалі пераследам. Незадаволенасць уладаў выклікала і тое, што пастар таксама адмаўляўся ўдзельнічаць у палітычных мерапрыемствах, якія яны ладзяць.

Зарэцкі і яго грамада падвяргаліся пераследу з боку сілавікоў ужо не раз. У ліпені 2021 года ў пастара адбываўся ператрус, у лістападзе 2021 года адміністрацыйная справа была распачатая з-за нязначных недакладнасцяў пры афармленні гуманітарнага грузу.

20 красавіка 2023 года пастар быў затрыманы па арт.19.11 КаАП РБ за лайкі і каментары да матэрыялаў з інтэрнэт-рэсурсаў, прызнаных экстрэмісцкімі.

Пастар двойчы запар атрымаў арышт на 15 сутак, правёўшы за кратамі месяц.

Чытайце таксама:

За каментары ў тэлеграме затрымалі жанчыну з Мінска. Выйшлі на яе вельмі проста

У Быхаве затрымалі мужчыну, які сарваў чырвона-зялёны сцяг

У Брэсце затрымалі двух удзельнікаў пратэстаў 2020 года

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
0
Ха-ха
0
Ого
0
Сумна
0
Абуральна
6
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930