Знайсці
28.02.2024 / 11:433РусŁacБел

МЗС Беларусі адказала Еўрасаюзу на заклікі вызваліць палітвязняў і спыніць іх катаванні

Міністэрства замежных спраў Беларусі апублікавала разгорнуты каментар у сувязі з шэрагам заяваў Еўрасаюза, у тым ліку адказала на заклікі вызваліць палітзняволеных.

 

«Адхіляем галаслоўныя абвінавачванні ЕС у нейкім спецыяльным рэжыме адбывання пакаранняў для асобных грамадзян Беларусі, лёсы якіх прыцягваюць асаблівую ўвагу ў заходніх палітычных колах толькі з прычыны іх палітычных прыхільнасцяў. У дачыненні да ўсіх грамадзян Рэспублікі Беларусь, якія адбываюць пакаранні за ўчыненыя крымінальныя злачынствы, як і ў любой краіне ЕС, прымяняюцца без якой-небудзь дыскрымінацыі патрабаванні адпаведных законаў аб рэжымах выканання пакаранняў. Усе зняволеныя атрымліваюць неабходнае медыцынскае і іншае садзейнічанне ў парадку і абʼёмах, вызначаных законам, — піша МЗС. 

Патрабаванні вызваліць палітвязняў МЗС назвала таксама «безгрунтоўнымі».

«Безгрунтоўныя публічныя патрабаванні ЕС аб ​​вызваленні нейкіх асобных асоб, асуджаных у адпаведнасці з нацыянальным заканадаўствам кампетэнтным судом па абвінавачанні ва ўчыненні крымінальных злачынстваў, на падставе палітычных пераваг еўрапейскіх урадаў і палітыкаў прымушаюць усумніцца ў сапраўднай прыхільнасці Еўропы прынцыпу вяршэнства права», — гаворыцца ў паведамленні. 

Таксама МЗС прыгразіла новымі крымінальным пераследам у дачыненні да апанентаў Аляксандра Лукашэнкі з-за чарговых санкцый ЕС.

«Новыя незаконныя абмежавальныя меры, якія ўводзяцца супраць Беларусі, зʼяўляюцца прадметам вывучэння праваахоўных органаў і могуць стаць легітымнай падставай для новых крымінальных спраў у дачыненні да асоб, якія іх ініцыявалі, у тым ліку ўжо асуджаных за падобныя злачынствы, якія аднак усё яшчэ ўхіляюцца за мяжой ад адбыцця пакарання», — пагражае МЗС.

Масавыя палітычныя рэпрэсіі ў Беларусі працягваюцца з 2020 года, калі выбары суправаджаліся нерэгістрацыяй і арыштамі праціўнікаў Лукашэнкі і назіральнікаў на выбарчых участках. Нягледзячы на гэта, Аляксандр Лукашэнка, мяркуючы са звестак з участкаў, дзе выбарчыя камісіі дазволілі назіральнікам сачыць за падлікам галасоў, прайграў Святлане Ціханоўскай, але не аддаў улады.

Згодна з інфармацыяй прадстаўніка Аб'яднанага пераходнага кабінета Паўла Латушкі, з 2020 года рэпрэсіі закранулі 136 тысяч чалавек.

У турмах памерлі 5 палітвязняў. 

Чытайце таксама:

«Калі справа абмяжуецца «глыбокімі спачуваннямі», то такія жудасныя навіны будуць з'яўляцца пастаянна» — Ціханоўская

«Мне толькі хочацца, каб яна выжыла». Сястра Марыі Калеснікавай — пра год без сувязі з ёй

«Пражыць 6 гадоў выглядае складанай задачай». Рыгор Кастусёў даслаў ліст з-за кратаў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
5
Панылы сорам
8
Ха-ха
3
Ого
1
Сумна
4
Абуральна
59
0
даведка/адказаць/
28.02.2024
Лукашенко умудрился официально проиграть выборы даже на тех участках, которые возглавляли члены его ВНС.
0
Бывший политзаключенный/адказаць/
28.02.2024
Официально заявляю, что МИД РБ ЛЖЕТ, а обвинения ЕС вовсе не "голословны".
Наступит день, когда я письменно и с фамилиями изложу перечень пыток и особого ко мне отношения, не говоря уже о преследовании при полном отсутствии вины. И я такой не один. Нас - тысячи.
Эти ублюдки у власти думают, что это всё будет вечно?...
Ау.. гауляйтеры и полицаи - мы вас еще всех неприятно удивим. не лейте потом ручьями слёзы.
0
Тэкля/адказаць/
28.02.2024
Які цынізм!
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930