Знайсці
28.02.2024 / 16:192РусŁacБел

Падатковая анансавала праблемы для беларускіх блогераў

Інспекцыя Міністэрства па падатках і зборах паабяцала ўзяць «на асобны кантроль» беларускіх блогераў. Ва Упраўленні аператыўных мерапрыемстваў інспекцыі МПЗ па Мінску прызналі што да 2024 года яны не вылучалі блогераў, бізнэс-трэнераў, бізнэсоўцаў у сферы майнінгу і абарачэння крыптавалют у якасці «асобных кірункаў для кантролю», але паабяцалі гэтую практыку змяніць.

Па словах інспекцыі па падатках і зборах, выпадкі, калі блогеры нібыта хаваюць свае рэальныя даходы, пачасціліся. МПЗ заклікала перастаць рабіць «дзіцячыя памылкі, якія дорага абыходзяцца» і запрасіла блогераў і іншых работнікаў анлайн-сферы наведаць іх прэс-канферэнцыю «Асаблівасці дэкларавання даходаў фізічных асоб у 2024 годзе», якая пройдзе ў прэс-цэнтры Дома прэсы 29 лютага і будзе транслявацца анлайн.

«У тэму майнінгу і абарачэння крыптавалют падатковыя органы ўжо ўніклі і паспяхова выяўляюць парушальнікаў, а вось у іншых, на першы погляд бяскрыўдных, анлайн-сферах мы пакуль не спяшаемся, а грунтоўна вывучаем усе аспекты і спадарожныя рызыкі», — паведаміў телеграм-канал Упраўлення аператыўных мерапрыемстваў інспекцыі МПЗ па Мінску.

У ведамстве лічаць, што нібыта высокая рэнтабельнасць і ананімнасць бізнэсу ў анлайн-сферы спалучаная з рызыкамі як для кліентаў і даходаў бюджэту, так і для саміх уладальнікаў анлайн-бізнесу, і прывялі некалькі наглядных прыкладаў.

«Адзін блогер, зарэгістраваны ў якасці індывідуальнага прадпрымальніка, проста «забыўся пра свае даходы ў РФ», у выніку чаго яму давялося даплаціць каля 200 000 рублёў падатку. Іншы блогер, які ажыццяўляе сваю дзейнасць у якасці фізічнай асобы, «забыўся» падаць дэкларацыю аб даходах, і гэта каштавала яму 53 000 рублёў падатку і пені.

Добра яшчэ тое, што нашы калегі працавалі з імі ў «лайтавым рэжыме», накіраваўшы апавяшчэнні з прапановай аб добраахвотным выкананні падатковага абавязацельства ў парадку артыкула 73 Падатковага кодэкса РБ», — расказалі ў ведамстве.

Інспекцыя паабяцала, што не пашкадуе «ўвагі, часу і кампетэнцый» для тых, хто лічыць выплату падаткаў «анахранізмам». 

Чытайце таксама:

Навошта «Мерзкий Кокобай» рэкламуе выставу прапагандыстаў? Здаецца, дзяржава знайшла новы спосаб нармалізаваць блогераў

Баялася размеркавання: мазырская блогерка з 2,6 мільёна падпісчыкаў кінула ўніверсітэт

У Беларусі забароняць рэкламаваць працу і вучобу за мяжой

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
2
Панылы сорам
6
Ха-ха
6
Ого
1
Сумна
1
Абуральна
9
0
No taxation without representation/адказаць/
28.02.2024
Канторы Налівайкі варта памятаць, што топ-блогеры проста з'едуць і стануць падаткавымі рэзідэнтамі у замежжы. Хто больш паспяховы, як Улад Бумага - у Эміраты. Хто пакуль яшчэ падымаецца - у Расею. У любым выпадку падаткавыя ўмовы што там, што там - больш лагодные. А бюджэт рэжыму хай папаўняюць Карпянкоў ды Азаронак
1
нявеста Азаронка/адказаць/
28.02.2024
дык яны ж не папаўняюць, а наадварот жаруць за кошт бюджэту. Грыша мой вунь як зноў раз'еўся. Грыша, худней давай. бо не жанюся
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930