Знайсці
29.02.2024 / 13:485РусŁacБел

Як беларусы ў судах намагаюцца даказаць смерць сваякоў на вайне з Украінай. З доказаў — даведкі ад Мінюстаў «ЛНР» і «ДНР»

У банку судовых рашэнняў Беларусі «Флагшток» знайшоў некалькі спраў, звязаных з вайной Расіі супраць Украіны — у іх жыхары Гомельскай вобласці дамагаліся ўстанаўлення фактаў смерці сваякоў, якія загінулі ва Украіне, ваюючы на ​​баку РФ.

 

У лютым 2023 года суд Рэчыцкага раёна разглядаў грамадзянскую справу па заяве мясцовай жыхаркі, у якой яна прасіла ўстанавіць факт смерці сына. 

Жанчына патлумачыла, што органы ЗАГС адмовілі ёй у актавым запісе аб смерці, паколькі яна не мае належных дакументаў, якія пацвярджаюць смерць сына, а ўстанаўленне факту смерці неабходна, у прыватнасці, для атрымання дапамогі на пахаванне. 

У судовым паседжанні жанчына ўказала, што сын загінуў «пры выкананні спецыяльнай ваеннай аперацыі», і актавы запіс аб яго смерці быў здзейснены органам «Міністэрства юстыцыі Л. народнай рэспублікі». 

Аднак гэтае пасведчанне аб смерці «не падлягае легалізацыі» (рэжым Лукашэнка афіцыйна так і не прызнаў самаабвешчаныя «ЛНР» і «ДНР» да іх уключэння ў склад РФ восенню 2023 года). 

Жанчыне прыйшлося даказваць факт смерці сына з дапамогай розных дакументаў, у тым ліку — выпіскай з указа прэзідэнта РФ аб узнагароджанні загінулага беларуса пасмяротна медалём. 

У выніку суд вырашыў устанавіць факт смерці мужчыны, «памерлага з прычыны агнястрэльных выбуховых скразных пранікальных раненняў галавы, шыі, канечнасцяў». 

Таксама факт смерці загінулага на вайне ва Украіне ўстанаўліваў суд Светлагорскага раёна ў ліпені 2023. Туды звярнуўся мясцовы жыхар, указаўшы, што ў «ДНР» загінуў яго сын. Прычына смерці — «агнястрэльнае выбуховае аскепкавае раненне галавы і правай ніжняй канечнасці». Абставіны гібелі суд не ўстанаўліваў. 

Пасля смерці сына адкрылася спадчына, аднак бацька не змог яе атрымаць, бо пасведчанне аб смерці сына выдадзена «Мінюстам» «ЛНР», якая «зʼяўляецца непрызнанай дзяржавай, у сувязі з чым пасведчанне аб смерці, выдадзенае дзяржаўнымі ўстановамі непрызнанай дзяржавы, не зʼяўляецца дакументам, на падставе якога натарыусам можа быць выдадзена пасведчанне аб праве на спадчыну», гаворыцца ў матэрыялах суда. 

«Вывучыўшы матэрыялы грамадзянскай справы, прааналізаваўшы і ацаніўшы сабраныя па справе доказы ў іх сукупнасці», суд таксама вырашыў устанавіць факт смерці ўраджэнца Светлагорска. 

Іншы выпадак разбіраў суд Мазырскага раёна ў снежні 2023 года. Там разглядалі пазоў мясцовай жыхаркі аб спагнанні аліментаў на ўтрыманне непаўналетняга дзіцяці. Але пры разглядзе высветлілася, што бацька дзіцяці зʼехаў у РФ, а пазней знік без вестак «пры выкананні задач у ходзе спецыяльнай ваеннай аперацыі» ў акупаваным Крыме, дзе служыў радавым. У выніку іскавая заява мазыранкі засталася без разгляду.

Чытайце таксама:

Да гарадоў, дзе мясцовыя могілкі ператварыліся ў балота, далучыўся Рагачоў

Выпадак з мёртвым целам, якое пераблыталі ў Гомелі не ўнікальны — тое самае было ў Пінску

Гамельчуку паведамілі пра смерць маці. На пахаванні высветлілася, што яна жывая, а ў труне іншы чалавек

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
4
Панылы сорам
6
Ха-ха
9
Ого
0
Сумна
1
Абуральна
3
0
Віталь/адказаць/
29.02.2024
Вык, не яшчэ.
0
Васёк/адказаць/
29.02.2024
Вык, .уй на ны яны атрымалi
2
Gorliwy Litwin/адказаць/
01.03.2024
Чамусьці ў шэрагах данбаскіх “апалчэнцаў”, з усіх бела-рускіх рэгіёнаў, найбольш ваюе – і гіне – ўраджэнцаў Гомельскай вобласці? Шкада што няма дакладнай статыстыкі, але інтуітыўна я перакананы, што не нашмат ад яе адстае Магілёўская, а на 3-м месцы ідзе Віцебская, а калі б мелі поўню карцін па раёнах, дык я прадказваю што найменш ахвочых ваяваць за Вялікую Русь з усёй РБ – дае гістарычная Ўсходняя Літва – Верхняе Панямонне   Сьвядомыя спадары ў сваіх тлумачэннях гэтага і роднаснага феноменаў зводзяць усё да таго што, маўляў, усход на 20 гадоў даўжэй знаходзіўся пад бальшавікамі (да 1939 г.). Але гэтае тлумачэнне павярхоўнае і лукавае. Насамрэч, яскравую розніцу ў цывілізацыйным выбары паміж Літвой і Руссю мы бачым сама меней з часоў мангольскага заваявання. Тэрыторыя сучасных Гомельскай і Магілёўскай абласцей была заваяваная манголамі на рубяжы 1230-1240-х гадоў, і з тых часоў, зачараваная моцай гумілёўскай Еўразіі, яна ўстойліва робіць пра-ардынскі выбар. Ардынства даўно стала арганічнай часткай калектыўнай душы гомельска-магілёўскіх пацаноў.   І на жаль – але заканамерна – Белай Руссю кіруюць менавіта яны
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера