Знайсці
01.03.2024 / 18:572РусŁacБел

Гульню года пераклалі на беларускую мову з дапамогай нейрасеткі

Цяпер прайсці Baldur’s Gate III ад пачатку да канца можна і на роднай мове.

Прыклад перакладу нейрасеткай дыялогаў паплечніцы галоўнага героя гіцянкі Лэй'зэл.

Пра пераклад тэкставай часткі гульні паведаміў карыстальнік твітара пад нікам Маленькі Зянон. Ён выканаў пераклад з дапамогай нейрасетак і алгарытмаў, яшчэ некалькі дзён ён дапрацоўваў пераклад уласнымі рукамі.

Звычайнае праходжанне Baldur’s Gate III займае каля 75-100 гадзін, насычаных дыялогамі, тэкстамі заданняў, апісаннямі гульнявых рэчаў і іншым — агулам больш за 230 тысяч радкоў. Перакласці ўласнаручна ўвесь гэты аб'ем без прыцягнення тэхнічных сродкаў немагчыма.

Беларусізаванае галоўнае меню гульні

Беларускія гульнявыя блогеры, якія тэставалі пераклад, ацанілі яго як «цалкам агнішча». Яны адзначылі, што чакалі хоць якога перакладу, які з'явіцца хутка пасля выхаду і не давядзецца чакаць яшчэ 10 гадоў, калі гульня цалкам страціць актуальнасць і запісы праходжання яе беларускай версіі будуць нікому не цікавыя.

Беларусізаваныя элементы інтэрфейсу

Пераклад гульні ад «Трасянкуса» пакуль не даступны ў такіх сэрвісах як Steam, але яго можна спампаваць на сайце гульнявых модаў. Устанаўліваецца мод на рускамоўную версію гульні простым пераносам файлаў у патрэбную тэчку. Пакуль такія маніпуляцыі магчымыя толькі на персанальных камп'ютарах, але Larian Studios абяцае цягам года дадаць падтрымку модаў, тады беларусізатар Baldur’s Gate III будзе даступным для шырэйшых колаў. 

Прыклад перакладу дыялогаў другараднага негульнявога персанажа

Як і любы машынны пераклад, беларусізатар Baldur’s Gate III не пазбаўлены моўных хібаў. Але гэты прыклад дазваляе спадзявацца, што хуткае развіццё нейрасетак і камп'ютарнай лінгвістыкі дазволяць беларусам атрымліваць кантэнт на роднай мове за лічаныя тыдні.

У адрозненне ад перакладу кніг, пераклад гульняў не патрабуе высокай дакладнасці перадачы і якасці мовы, бо патрабаванні ніжэйшыя. Так што цалкам рэальна, што наступным крокам у эксперыментах з нейрасеткамі можа стаць машынная агучка персанажаў. 

Baldur’s Gate III — гэта адраджэнне славутай серыі гульняў, якой фанаты, як, напрыклад, Сяргей Чалы, чакалі амаль 20 гадоў. Вяртанню да серыі дапамог крызіс у жанры: як і ў кінематографе, многія кампаніі звяртаюцца да ўжо павераных часам сусветаў і гісторый, выдаючы за апошнія гады ўсё больш рэмейкаў і працягаў твораў мінулых дзесяцігоддзяў. 

Сюжэт усёй серыі заснаваны на папулярнай настольнай ролевай гульні Dungeons & Dragons (Падзямеллі і Цмокі), дзеянне якой адбываецца ў адным з найбольш вядомых выдуманых гульнявых сусветаў — Забытых Каралеўствах (Forgotten Realms). 

Беларусізаваны загрузачны экран гульні

У новай частцы на першы план выйшлі ілітыды — злавесныя васьміногападобныя істоты, празваныя «пажыральнікамі розуму» і надзеленыя звышнатуральнымі здольнасцямі. Яны перамяшчаюцца на лятучых караблях і размнажаюцца, адкладваючы ў целы іншых разумных істот сваіх лічынак. Пратаганіст, за якога давядзецца гуляць, з'яўляецца адной з такіх ахвяр ілітыдаў, і спрабуе з выпадковымі паплечнікамі пазбавіцца ад лічынкі, якая патроху раз’ядае яму мозг, але пры гэтым дае ўнікальныя тэлепатычныя здольнасці.

Васьміногападобныя «пажыральнікі розуму» ілітыды — галоўныя антаганісты новай гульні серыі. Кадр з трэйлера

Гульня мае выключна станоўчыя водгукі крытыкаў, якія назвалі яе вяршыняй жанра ралявых гульняў. У рамках The Game Awards 2023, галоўнай прэміі ў галіне гульнявой індустрыі, «Брама Балдура» стала трыумфатарам, атрымаўшы цэлых шэсць узнагарод: за найлепшую акцёрскую гульню, за найлепшую падтрымку супольнасці, як найлепшая ролевая і найлепшая шматкарыстальніцкая гульня, яна таксама перамагла ў намінацыі па выбары саміх гульцоў і нарэшце забрала галоўны прыз — званне «Гульня года».

«Наша Нiва» — бастыён беларушчыны

ПАДТРЫМАЦЬ

Чытайце таксама:

Кіраўнік вядомай геймерскай кампаніі прыйшоў на ўручэнне прэміі The Game Awards у рыцарскіх даспехах

Чалы пайшоў у Браму Балдура. Гэтую гульню фанаты чакалі амаль 20 гадоў

Ці сапраўды субцітры дапамагаюць вывучыць замежную мову?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
15
Панылы сорам
0
Ха-ха
1
Ого
1
Сумна
1
Абуральна
0
0
Астарыён /адказаць/
01.03.2024
Крута, беларушчына пранікае ва ўсе сферы
1
Марк/адказаць/
02.03.2024
Лепш бы пераклалі кнігу якую
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930