Знайсці
02.03.2024 / 07:59РусŁacБел

У выніку новай атакі дронаў ёсць ахвяры ў Адэсе і Харкаўскай вобласці

Начны ўдар па Адэскай вобласці быў нанесены васьмю дронамі-камікадзэ тыпу Shahed-131/136, піша Бі-бі-сі.

Фота: Суспільне. Адэса

«На працягу гадзіны падраздзяленні СПА ў інтэнсіўным рэжыме адбівалі гэтую атаку. Сем цэляў знішчана, — сказана ў зводцы. — Адзін з дронаў падчас манеўраў сярод жылых кварталаў Адэсы трапіў у дзевяціпавярховы будынак у спальным раёне. Частка пад'езда з 18 кватэрамі разбураная».

Улады паведамілі, што загінулі два чалавекі і сем чалавек не выходзяць на сувязь, сярод якіх цяжарная жанчына і маленькае дзіця.

Працягваецца пошукава-выратавальная аперацыя. Паводле папярэдніх звестак, пад заваламі могуць быць людзі.

«Густанаселены раён. Тут проста жах. На месцы працуюць ратавальнікі, муніцыпальныя і аварыйныя службы. Вядуцца разборы завалаў», — паведаміў мэр Генадзь Труханаў.

«Таксама пашкоджаныя інжынерныя сеткі і кацельня, суседнія дамы адключаныя ад ацяплення», — дадаў Труханаў. 

Кіраўнік абласной адміністрацыі Алег Кіпер удакладніў, што сем чалавек атрымалі раненні, у тым ліку дзіця і цяжарная жанчына.

У пасёлку Вялікі Бурлук у Харкаўскай вобласці ў выніку атакі беспілотнікаў загінуў 76-гадовы мужчына, паведаміла абласное ўпраўленне паліцыі.

Паводле інфармацыі паліцыі, каля 00:10 адбылося траплянне БПЛА тыпу Shahed у прыватнае домаўладанне, дом загарэўся. З-пад завалаў дасталі загінулага гаспадара дома, дом цалкам разбураны.

Чытайце таксама:

У вайне пераможа той, у каго будзе больш снарадаў. Ці можа гэта быць Украіна?

Саюзнікі збіраюцца перадаць Украіне тысячы дронаў са штучным інтэлектам

Як беларусы дапамагалі аснашчаць расійскую вайсковую машыну заходнім абсталяваннем

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
0
Панылы сорам
0
Ха-ха
1
Ого
1
Сумна
5
Абуральна
16
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930