Знайсці
03.03.2024 / 17:086РусŁacБел

Свет чакае другі «кітайскі шок» з наплывам танных тавараў

Кітай для рашэння эканамічных праблем нарошчвае выпуск тавараў, значна перавышаючы ўнутраны попыт. Краіны свету ў другі раз перажывуць наплыў кітайскага імпарту, пішаThe Wall Street Journal. Дваццаць гадоў таму гэта разбурыла заводы на Захадзе.

Фота: AP

Сусветная эканоміка перажыла ў канцы 1990-х і пачатку 2000-х «кітайскі шок» — бум імпарту танных тавараў кітайскай вытворчасці. Эканамісты мяркуюць, што хутка варта чакаць паўтарэнне гэтага перыяду, пераказвае асноўнае з артыкула WSJ РБК.

Пекін падвойвае экспарт, каб ажывіць запаволены эканамічны рост, заводы ўжо выпускаюць больш аўтамабіляў, тэхнікі і бытавой электронікі, чым неабходна для ўнутранага рынку. Кітайскія кампаніі з апорай на дзяржаўныя крэдыты перанасычаюць замежныя рынкі прадукцыяй, якую не змаглі прадаць унутры краіны. Аднойчы гэта дапамагло Кітаю стрымаць інфляцыю на нізкім узроўні, некаторыя эканамісты чакаюць, што ў другі раз дэфляцыйны эфект акажацца нават мацнейшым.

Першы «кітайскі шок» адбыўся пасля серыі ліберальных рэформаў у 1990-х гадах і ўступлення Кітая ў Сусветную гандлёвую арганізацыю ў 2001 годзе. Гэта прынесла і выгады для ЗША: спажывецкія цэны на амерыканскім рынку падалі, прычым найбольшую выгаду адчулі амерыканцы з нізкім або сярэднім узроўнем заробку.

Аднак ЗША, Еўрасаюз і Японія не жадаюць паўтарэння сітуацыі пачатку 2000-х гадоў, калі бум кітайскага імпарту разбурыў многія мясцовыя вытворчасці, піша выданне. Першы «кітайскі шок» прывёў да таго, што ЗША страцілі больш за 2 млн працоўных месцаў з 1999 па 2011 год, паколькі вытворцы мэблі, цацак і адзення не вытрымалі канкурэнцыі. Заходнія краіны выдзелілі мільярды даляраў на падтрымку стратэгічных галін і ўвялі альбо пагражаюць увесці тарыфы на імпарт з Кітая.

У выпадку паўтарэння сітуацыі мяркуюць што, новы «кітайскі шок» будзе іншым, Цяпер асцярогі заходніх краін больш фундаментальныя, бо Кітай канкуруе ў выпуску высокатэхналагічнай прадукцыі — аўтамабіляў, камп'ютарных чыпаў і складаным машынабудаванні — галінах з больш высокім дабаўленым коштам, якія лічацца важнымі для тэхналагічнага лідарства.

У мінулым годзе эканоміка Кітая вырасла на 5,2%, гэта нізкі паказчык па яе мерках, адзначае WSJ. Эканамісты чакаюць далейшага яе запаволення на фоне зацяжнога крызісу на рынку нерухомасці, скарачэння інвестыцый і падзення спажывецкіх выдаткаў. Як ацэньваюць у Capital Economics, штогадовы рост кітайскага ВУП замарудзіцца да 2% за шэсць гадоў — да 2030 года.

Улады Кітай імкнуцца забяспечыць «эканамічны пераварот», інвестуючы сродкі ў заводы, перш за ўсё ў вытворчасць паўправаднікоў, аўтамабіляў, абсталявання для аднаўляльных крыніц энергіі, аэракасмічную прамысловасць, і прадаючы лішкі за мяжу.

Праблемы ў кітайскай эканоміцы ў значнай ступені тлумачацца аўтарытарнымі тэндэнцыямі старшыні краіны Сі Цзіньпіня.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
14
Панылы сорам
1
Ха-ха
10
Ого
3
Сумна
3
Абуральна
28
2
Абірая меншае зло/адказаць/
03.03.2024
Той час, калі лепей купіш беларускае, чым кітайскае.
1
думают одним днём сорвать бабки/адказаць/
03.03.2024
бум імпарту танных тавараў кітайскай вытворчасці. Эканамісты мяркуюць

зачем приняли Китай в ВТО?  "самоубийцы"....Цена нефти и газа у Китая, и в Европе много разные.
0
бабруйчанін/адказаць/
04.03.2024
У канцы 80 ад японцау патрабавалі Штаты каб іена набыла рэальны курс Японія знішчыла " аутапрам " Штатау Ли Якока гендырэктар " форда" крайслера нават заробак сабе у1$ узяу кнігу напісау.Дарєчы кніга цікавая ...Так і Кітай " папяровы цмок дракон" складзе крылы..
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930