Знайсці
04.03.2024 / 19:513РусŁacБел

Як расійская разведка змагла перахапіць размову нямецкіх афіцэраў?

Сталі вядомыя прычыны перахопу расійскімі спецслужбамі размовы афіцэраў і генерала Вайскова-паветраных сіл Германіі.

Скрын відэа ZDF.de

Па словах прадстаўніка міністра абароны Германіі, якога цытуе Le Monde, прычына перахопу расійскімі спецслужбамі размовы афіцэраў і генерала Вайскова-паветраных сіл Германіі банальная:

замест таго, каб размаўляць па зашыфраванай сетцы, чацвёра мужчын проста абмяняліся інфармацыяй з дапамогай платформы відэаканферэнцый WebEx. Прычым адзін з іх падключыўся да размовы са свайго мабільнага тэлефона з гасцінічнага нумара ў Сінгапуры.

Як паведамляе ZDF.de, платформа WebEx — камерцыйны прадукт амерыканскага правайдара Cisco — шырока выкарыстоўваецца для многіх канферэнцый Бундэсвера. Але не толькі ім. Сярод карыстальнікаў платформы федэральны ўрад, органы бяспекі і парламент.

Пры гэтым тая версія, што выкарыстоўваюць дзяржаўныя органы, адрозніваецца ад версій для звычайных кампаній. У бундэстагу, напрыклад, яна адаптаваная для ўнутранай сеткі Parlakom.

Праз WebEx таксама магчымая перадача сакрэтнай інфармацыі, праўда, самага нізкага ўзроўню канфідэнцыйнасці. Прычым для гэтага неабходна актывізаваць спецыяльнае шыфраванне. Задача вайсковых нарадаў у WebEx заключаецца ў тым, каб дакладна адсочваць, што і ў якім кантэксце можна сказаць, а што адносіцца да больш высокага ўзроўню сакрэтнасці.

Абмеркаванне інфармацыі, якая класіфікуецца як «сакрэтная» і вышэй, можа адбывацца з выкарыстаннем лічбавых сродкаў сувязі, але для гэтага трэба ўжыць іншыя камунікатыўныя рашэнні, якія адпавядаюць узроўню сакрэтнасці.

«Ёсць прыкметы таго, што выкарыстоўваўся недастаткова бяспечны канал сувязі, улічваючы кантэнт, які абмяркоўваўся. Гэта прадмет цяперашняга расследавання»,

— заявіў на прэс-канферэнцыі 3 сакавіка прадстаўнік Міністэрства абароны Германіі.

Чытайце яшчэ:

Міністр абароны Германіі выказаўся наконт уцечкі размоў нямецкіх вайскоўцаў пра ракеты Taurus

Уцечка паказвае, што Германія не толькі не пастаўляе Taurus Украіне, але толкам і не абмяркоўвала гэта

Чаму Макрон раптам загаварыў пра магчымы ўвод заходніх войскаў ва Украіну

Антось Жупран

Хочаш падзяліцца важнай інфармацыяй
ананімна і канфідэнцыйна?

Клас
5
Панылы сорам
40
Ха-ха
3
Ого
0
Сумна
3
Абуральна
9
1
Bhagawan/адказаць/
04.03.2024
Dyk rasijska vyviedka prasłuchoŭvaje telefonnyja numary ŭ Singapury?
2
барадзед/адказаць/
04.03.2024
нават самы неабаронены сродак сувязі зараз ніхто не можа перахапіць без інсайдэраў
хутчэй за ўсё нехта банальна зайшоў у канферэнцыю скраўшы пароль
0
Максим Дизайнер/адказаць/
05.03.2024
Немецкая железная дорога ищет разработчиков софта для Виндоус 3. Это вы тут все задрачиваетесь технологиями, чтобы угодить западным погонщикам. А немцы просто живут, просто печатают бабло для пособий, и пилят свои вундервафли, параллельно втюхивая лохам свои "самые лучшие в мире" коптящие ведра по цене вертолета.
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
сакавіккрасавікмай
ПНАЎСРЧЦПТСБНД
1234567
891011121314
15161718192021
22232425262728
2930