Знайсці
16.04.2024 / 08:262РусŁacБел

У Ізраілі гарэлку «Belarus» прызналі небяспечнай для здароўя

Міністэрства аховы здароўя Ізраіля перасцерагае насельніцтва ад ужывання кантрафактнай алкагольнай прадукцыі. У паведамленні згаданыя: гарэлка «Belarus», гарэлка «Rabinoff» і спірт «96,6%», піша newsru.co.il.

Фота: Мінздароўя Ізраіля

«Прадукты не адпавядаюць стандарту, некаторыя з іх утрымліваюць анамальны адсотак метанолу, іншыя ўтрымліваюць трэ-бутанол (трэ-бутылавы спірт, 2-метылпрапан-2-ол), які забаронена выкарыстоўваць у алкагольнай прадукцыі, бо ён можа выклікаць раздражненне скуры і вачэй», — гаворыцца ў паведамленні Міністэрства аховы здароўя.

«Ужыванне метанолу ў высокіх дозах можа выклікаць пабочныя эфекты, якія праяўляюцца ў слабасці, блытанасці свядомасці, галаўных болях, ванітах, болях у жываце і курчах. Акрамя таго, ужыванне метанолу можа выклікаць слепату і нават смерць», — папярэджвае Міністэрства аховы здароўя Ізраіля.

Гарэлка «Belarus» (1 л) была вырабленая ізраільскай кампаніяй «Гадзі» (штрых-код 3313150 і 6784593379623). Пра небяспеку ўжывання гэтай гарэлкі Міністэрства аховы здароўя Ізраіля папярэджвала неаднаразова.

Акрамя таго, Мінздароўя настойліва рэкамендуе не купляць спірт «96,6%». Дададзеная ў «чорны спіс» гарэлка «Rabinoff» (1 л).

Дадатковую інфармацыю можна атрымаць на гарачай лініі Міністэрства аховы здароўя па тэлефоне *5400.

Чытайце таксама:

Беларусы сталі піць менш гарэлкі і піва

Як алкаголь уплывае на жывот і чаму ад алкаголю стул становіцца дзіўным?

У беларускіх крамах стане менш гарэлкі і пладовых вінаў. Што здарылася?

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
8
Панылы сорам
11
Ха-ха
19
Ого
7
Сумна
11
Абуральна
11
2
бабруйчанін /адказаць/
16.04.2024
КАНТРАФАКТ дакладны загаловак Назва Belarys як знак якасці Маркецінгавы ход)))Як айфон..Цікава як дзе ў ваююшчэй краіне яе бадзяжаць )))
16.04.2024
Евреи травят евреев под брендом Беларусь. Я думаю надо подключится Светлане и ее штабу и через суд засудить евреев,что бы не попросили имя страны
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера