Знайсці
22.04.2024 / 14:404РусŁacБел

«Заўвагі не адпавядаюць…» Як у Віцебску прайшло абмеркаванне ўстаноўкі флагштока

Спачатку гараджан паставілі перад фактам, што ў горадзе будзе флагшток, а потым — што будзе цэлая плошча. Заўвагі і сумневы адносна мэтазгоднасці гэтай ідэі проста прапусцілі «міма вушэй», піша «Віцебская вясна». 

Ніводнае з пяці пісьмова выкладзеных меркаванняў наконт стварэння ў Віцебску адмысловай плошчы для ўсталявання флагштока, не было прызнана слушным. Нават памылку ў назве «Плошча флага і герба», на якую ўказалі ўдзельнікі абмеркавання, аўтары праекта не прызналі — адказалі, што назва плошчы «прадстаўлена як перспектыўная прапанова» і што канчатковы варыянт будзе зацвярджацца гарвыканкамам.

Грамадскае абмеркаванне тычылася ўзвядзення новага аб'екта гарадской інфраструктуры — флагштока для дзяржаўнага сцяга вышынёй 69 метраў. Чаму вышыня менавіта такая? Таму, што гэта будзе «выраб завадской камплектацыі». Такі адказ атрымалі тыя, хто лічыць вышыню флагштока не суадноснай з суседнімі пабудовамі.

Таксама ўдзельнікі грамадскага абмеркавання звярталі ўвагу на падмену самога прадмета абмеркавання: гараджан праінфармавалі пра намер усталяваць флагшток, а насамрэч аказалася, што пад яго запраектавана цэлая плошча з двума святладыёднымі экранамі, гранітнай кампазіцыяй з назвай, пераноснымі кветнікамі, лаўкамі, сістэмай асвятлення і відэаназірання і брукаванкай на доле. Мяркуецца, што плошча зможа змясціць да 2-х тысяч чалавек.

А наконт таго, што пра плошчу ў пачатку і размовы не было, аўтары канцэпцыі блытана патлумачана, што ў дадзеным выпадку «не прадугледжана стварэнне плошчы як інжынерна-транспартнай інфраструктуры».

Што ж тады прадугледжана на тэрыторыі 0,57 га — не тлумачыцца зусім.

Былі заўвагі і пра тое, што ў праектнай дакументацыі не прыводзіцца кошт ажыццяўлення ідэі. Прыкладам, флагшток, усталяваны ў Гомелі, абышоўся бюджэту ў амаль мільён долараў.

У Віцебску грошай спатрэбіцца больш — з улікам святладыёдных экранаў, інтэрактыўнай панэлі і г. д. Але пра грошы з удзельнікамі абмеркавання размаўляць ніхто не захацеў: маўляў, сума будзе ўдакладняцца па меры ажыццяўлення праекта.

Зрэшты, не была патлумачана і прынцыповая неабходнасць з'яўлення ў Віцебску яшчэ адной плошчы для дзяржаўных урачыстасцяў — з улікам таго, што гэтыя функцыі цалкам выконвае Плошча Перамогі.

Падрабязна пазнаёміцца з тым, якія адказы атрымалі ўдзельнікі абмеркавання, можна тут.

Чытайце таксама:

Адкуль Лангбард скапіраваў праект Опернага тэатра ў Мінску?

Сталінкі, саборы, мячэці. Чым расійская архітэктура абавязана Беларусі

Лукашэнка жыве ў сапраўдным магнацкім палацы

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
3
Панылы сорам
3
Ха-ха
0
Ого
0
Сумна
6
Абуральна
16
5
Площади быть!/адказаць/
22.04.2024
В чем проблема что бы в Витебске была красивая площадь? Змагарам вечно все не нравится если власть что то не сделала - плохо, если что то сделали - то опять плохо. Кричат что Лукашенко дворцов ностроил, но Лукашенко с собой их в могилу не заберет. Вы же по европе ходите с открытым ртом и удивляетесь как красиво, так в чем проблема? P.S. Кидайте свои к@.@шки.
1
Народному суду тоже быть! /адказаць/
22.04.2024
Площади быть!, проблема в том, что на этот флагшток потратят сотни тысяч долларов и все ради чего, чтобы туда воткнуть флаг. А это все народные деньги, деньги налогоплательщиков. Лучше бы эти деньги потратили на школы и больницы. В Европе дворцы строились в прошлых столетиях и сейчас они открыты для всех посетителей, а 18 резиденциями пользуется Лукашенко и все они тоже были построены за бюджетные средства. А это уже миллионы долларов, плюс ежегодно тратятся сотни тысяч на их обслуживание и все это ради прихоти одного Лукашенко, который привык жить на широкую ногу и за счет простых беларусов. Это называется коррупцией и незаконным расходованием средств. В Европе, да и Беларуси, за это предусмотрено уголовная ответственность. Но пока в стране не до законов, верхушке и кланам можно все, красть, воровать и тратить народные деньги на миллиарды на резиденции, на частные самолеты в личных целях для полета в Дубай как это делает семейство Лукашенко. А вот простого беларуса за 10 долларов доната посадят на 5 лет. А когда миллионы народных денег крадут и транжируют на лево и направо, то вы этого не хотите замечать.
1
Площади быть!/адказаць/
24.04.2024
Народному суду тоже быть! , почему когда я говорю что многодетные строят квартиры и живут за мои налоги мне отвечают что моих налогов там почти нет, а когда я хочу что бы в стране было красиво мне говорят про какие то налоги. Про какие народные деньги вы говорите? Вы с друзьями сложились по миллиону и построили успешное предприятие? Те кто что то сделали за свои кровные можно по пальцам перещитать, не вам вспоминать про народные деньги
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера