Знайсці
24.04.2024 / 14:13ŁacБел

Рэжысёр Гнёт просіць пісаць яму лісты ў сербскую турму

Беларускі рэжысёр Андрэй Гнёт па-ранейшаму знаходзіцца ў турме ў Сербіі ў чаканні рашэння суда аб экстрадыцыі. Ён просіць пісаць яму лісты пра тое, як беларусы трапілі пад рэпрэсіі, але змаглі выйсці на волю.

Андрэй Гнёт, facebook.com

Ліст Андрэя з такой просьбай апублікавала прэс-сакратар Народнага антыкрызіснага ўпраўлення Юлія Гарачая, піша Reform.news.

Ведаю, што сотні тысяч з вас прайшлі праз кіпцюры АМАПа, жах кратаў і роспачы. Што вы адчувалі, калі кашмар скончыўся і свабода заззяла ў вашым акне? Як гэта, раскажыце калі ласка?! Кожная гісторыя з хэпі-эндам — гэта мая надзея якую я не магу страціць», — напісаў Андрэй.

Пісаць Андрэю можна па адрасе: Andrey Gnyot, 11050 Serbia, Centralni zatvor, Bačvanska 14, Beograd (Voždovac).

Андрэй Гнёт — вядомы беларускі журналіст, рэжысёр тэлерэкламы і музычных кліпаў. У 2020 годзе Андрэй дапамагаў заснаваць «Свабоднае аб'яднанне спартсменаў SOS BY», асвятляць пратэсты ў СМІ, адыграў важную ролю ў працэсе адмены ЧС па хакеі.

Андрэя затрымалі ў Сербіі ў кастрычніку 2023 года на запыт беларускіх уладаў, якія абвясцілі яго ў вышук праз Інтэрпал. Абарона Андрэя змагаецца за тое, каб адмяніць яго экстрадыцыю ў Беларусь, дзе яго могуць чакаць катаванні. У снежні 2023 года суд першай інстанцыі ўхваліў экстрадыцыю, але ў сакавіку 2024 года Вышэйшы суд (Апеляцыйны) адмяніў рашэнне і адправіў справу на перагляд. Справа была перагледжана ў пачатку красавіка. Цяпер чакаецца рашэнне суддзяў Высокага суда Бялграда.

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
1
Панылы сорам
0
Ха-ха
0
Ого
0
Сумна
2
Абуральна
0
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера