Знайсці
25.04.2024 / 14:177РусŁacБел

«Белпол» затроліў Ігара Тура — здабылі пасведчанне прапагандыста з Усебеларускага сходу

У адказ на пашпарт новай Беларусі, які вырабілі прапагандысты, «Белпол» паказаў узор пасведчання ўдзельніка Усебеларускага народнага сходу на імя Ігара Тура.

Пасведчанне дэлегата Усебеларускага народнага сходу, якое вырабіў «Белпол». Скрын відэа osbbelpol / YouTube

На канале аб'яднання былых сілавікоў Беларусі «Белпол» з'явілася відэа, у якім Мацвей Купрэйчык заяўляе, што ім перадалі «адну вельмі дзіўную рэч і прасілі перадаць прывітанне аднаму адыёзнаму прапагандысту».

Затым мужчына дэманструе пасведчанне дэлегата Усебеларускага народнага сходу (УНС), аформленае на імя Ігара Тура.

«Дзіўная штуковіна, мінулае стагоддзе», — каментуе Купрэйчык і тлумачыць, што сэнс заключаецца ў іншым. Насамрэч у яго ў руках падробка, такая ж самая, як і пашпарты новай Беларусі, якія «радасна і віляючы хвосцікам дэманстраваў Тур у эфіры «прапагандыст ТБ».

Але пікантнасць сітуацыі, працягвае Купрэйчык, заключаецца ў тым, што калі ўзоры пашпарта новай Беларусі былі ў адкрытым доступе, то рэквізітаў пасведчання дэлегата УНС не было.

«Ігарок, спытаеш там у сваіх гаспадароў, дзе можна знайсці такія дакуменцікі», —

з'едліва гаворыць прадстаўнік «Белпола» і тлумачыць, што ён хацеў сказаць сваім перформансам:

«Унутры сістэмы застаецца вялізная колькасць сумленных і справядлівых беларусаў. 2020 год паказаў, што нас з вамі большасць. І вельмі хутка, я ўпэўнены, настане час, калі мы ўсе разам будзем будаваць новую Беларусь. Разам да перамогі».

Чытайце таксама:

Прапагандыст Тур, які крытыкаваў сонных чыноўнікаў на нарадах, сам заснуў падчас прамовы Лукашэнкі

На АНТ паказалі пашпарт «Новай Беларусі» на імя неіснуючага кэдэбіста. Кавалеўскі: У нас яшчэ нават няма ўзораў

Ахоўваць Усебеларускі народны сход будуць тры тысячы сілавікоў

Nashaniva.com

Хочаш падзяліцца важнай інфармацыяй
ананімна і канфідэнцыйна?

Клас
77
Панылы сорам
3
Ха-ха
25
Ого
3
Сумна
3
Абуральна
7
0
член ВНС/адказаць/
25.04.2024
паспал сам - дай паспаць другому.
1
Следующий Азаренок/адказаць/
25.04.2024
Если все замолчать, ему сойдет с рук. А если не молчать, то этому соне на боевом посту предъявят и последствия непредсказуемы))Есть макар, которым выбивать их)
0
Woodoo Cult /адказаць/
25.04.2024
член ВНС, 🤣🤣🤣
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
12345
6789101112
13141516171819
20212223242526
2728293031