Майк Тайсан стаў веганам

Скандальны баксёр Майк Тайсан заявіў, што яму ўдалося цалкам адмовіцца ад жывёльных прадуктаў і перайсці на суровую веганскую дыету.

Такое прызнанне спартсмен зрабіў падчас нядаўняга інтэрв’ю аднаму з амерыканскіх тэлеканалаў.

Нагадаем, што веганы ў адрозненні ад вегетарыянцаў цалкам выключаюць са свайго рацыёну і побыту прадукты жывёльнага паходжання. Веганства яшчэ называюць строгім вегетарыянствам.

СМІ зазначаюць, што новы рацыён пайшоў Майку на карысць: на свежых фотаздымках баксёр добра выглядае.

У мінулым годзе «Жалезны Майк» перажыў страшную асабістую трагедыю, калі ў выніку няшчаснага выпадку загінула яго чатырохгадовая дачка Эксодэс.

novonews.lv

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ