Знайсці
13.03.2012 / 13:022РусŁacБел

У Смалявіцкім раёне ствараюць першыя могілкі для хатніх жывёл

Могілкі разлічаны на 8 тысяч магіл і 10 тысяч ячэек у калумбарыі.

У маі ў Смалявіцкім раёне Мінскай вобласці плануюць адкрыць першыя ў Беларусі могілкі для хатніх жывёл. Пра гэта паведаміў намеснік дырэктара цэнтра рытуальных паслуг для хатніх жывёл «Біяэкалогія» Віталь Пташынскі.

Паводле яго слоў, могілкі разлічаны на 8 тысяч магіл і 10 тысяч ячэек у калумбарыі. Усіх жывёл будуць крэміраваць.

Кошт паслуг складзе: выклік агента цэнтра рытуальных паслуг дамоў і дастаўка жывёліны — 45 тыс. рублёў, крэмацыя — 425 тыс., пахаванне — 425 тыс. рублёў.
Апрача таго, ад 30 да 60 тыс. рублёў будзе каштаваць скрыня, за дадатковую плату можна будзе замовіць помнік. Кожнае пахаванне разлічана на тры гады. Калі гаспадар жывёліны пажадае захаваць месца на могілках пасля заканчэння гэтага тэрміну, ён павінен будзе даплаціць кошт пахавання.

Як растлумачыў Пташынскі, пры вызначэнні кошту паслуг могілак улічвалася неабходнасць забяспечваць належны догляд за магіламі і выплачваць зарплату персаналу. У штат могілак увойдуць дзевяць чалавек — вартаўнікі, агенты цэнтра рытуальных паслуг і рабочыя, якія будуць праводзіць крэмацыю. Паводле слоў дырэктара цэнтра, у Расіі пахаванне хатняй жывёліны ў два-тры разы даражэйшае, і грамадзяне вымушаны штогод даплачваць за захаванне месца.

Аб’явы аб хуткім адкрыцці могілак і іх паслугах размешчаны ва ўсіх ветэрынарных клініках Мінска, дадаў Пташынскі.

Намеснік дырэктара сталічнага прадпрыемства па часовым утрыманні жывёл «Фаўна горада» Тамара Царыкоўская мяркуе, што паслугі могілак будуць вельмі запатрабаваныя, асабліва сярод мінчан. Сёння, паводле яе слоў,

у сталіцы існуюць некалькі неафіцыйных могілак для сабак і катоў — у мікрараёнах Уручча-3 і Малінаўцы.
Пытанне аб стварэнні афіцыйных могілак для хатніх жывёл абмяркоўвалася некалькі гадоў, аднак зямлю ў Мінскім раёне для гэтых мэтаў знайсці так і не ўдалося.

Анастасія Янушэўская, БелаПАН

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера