Знайсці
04.05.2012 / 12:2132РусŁacБел

У Мінску за $275 тысяч прадаюць дызайнерскую кватэру ў «стылі марской хвалі»

Паведамленне пра продаж апартаментаў, аформленых «у стылі марской хвалі», з'явілася нядаўна на спецыялізаваных сайтах у інтэрнэце.

За кватэру з вельмі незвычайным дызайнам, размешчаную на беразе канала Сляпянскай воднай сістэмы, просяць 275 тысяч даляраў.

Паводле словаў рыэлтараў, кватэра мае два ўваходы і ўсю неабходную тэхніку. У холе і спальні — ТБ (60 і 40 цаляў), спадарожнікавае тэлебачанне. Усе камунікацыі цэнтральныя, ёсць аўтаномнае незалежнае ацяпленне (кацёл «Юнкерс»), у холе змантаваная сістэма цёплай падлогі. Аздабленне выкананае іспанскай і італьянскай пліткай. Агульная плошча — 115 «квадратаў», жылая — 66 кв. м.

Самае незвычайнае тут, вядома, дызайн.

— Вокны кватэры выходзяць на раку і парк, і гэта наштурхнула дызайнера на думку стварыць інтэр’ер, які б не спрачаўся з пейзажам, а наадварот, падкрэсліваў прыгажосць навакольнай прыроды, даючы магчымасць ёю любавацца, — так апісалі ідэю агенты, якія займаюцца продажам апартаментаў. — Пры гэтым яму хацелася узмацніць прысутнасць прыродных матываў пры дапамозе і архітэктурных прыёмаў, і дэкаратыўных рашэнняў. Якасна праведзены комплекс аздобных работ надаў непаўторнасць гэтаму дызайн-праекту.

Спальня аформленая ў афрыканскім стылі.

Падарожжа — адно з хобі гаспадара.

Як паведамляецца, выстаўленая цана не канчатковая — магчымы гандаль.

realt.onliner.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера
ПНАЎСРЧЦПТСБНД
123
45678910
11121314151617
18192021222324
25262728293031