Давыдзьку перадалі «талерку»: ён можа глядзець «Белсат»
Журналісты тэлеканала «Белсат» перадалі спадарожнікавую антэну для старшыні дзяржаўнай тэлерадыёкампаніі Генадзя Давыдзькі.
Днямі на сустрэчы са студэнтамі Давыдзька выказаўся у тым сэнсе, што «Белсат» «не глядзеў, але асуджаю».
На пачатку акцыі прадстаўнік «Белсата» Міхась Янчук патлумачыў, што спадарожнікавую талерку Давыдзьку дораць дзеля таго, каб ён змог глядзець праграмы «Белсата», і каб зменшыць дыстанцыю паміж каналамі.
Падарунак для Давыдзькі пакінулі ў фае будынка Белтэлерадыёкампаніі. Пасля таго як спадарожнікавую талерку перадалі, Янчук заявіў, што Беларускае тэлебачанне павінна стаць грамадскім, а не быць рупарам дзяржаўнай прапаганды.
Ён дадаў, што калі кіраўнік Белтэлерадыёкампаніі хоча быць у рэчышчы падзеяў, то павінен глядзець і альтэрнатыўныя каналы.
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера