Знайсці
28.06.2014 / 11:556РусŁacБел

Былы вядучы БТ Дзмітрый Косцін знайшоў новае месца працы

Ён уладкаваўся ў «Белтрансгаз».

Былы вядучы ток-шоу «Форум» на канале «Беларусь-1» Дзмітрый Косцін цяпер працуе начальнікам службы па сувязях з грамадскасцю і СМІ ў кампаніі «Газпром трансгаз Беларусь» (былы «Белтрансгаз»).

— Вас называюць спецыялістам па падрыхтоўцы сюжэтаў з Латвіі, Літвы і Эстоніі. Па камандзіроўках у Прыбалтыку не сумуеце?

— Ёсць такое. Я падтрымліваю адносіны з сябрамі і калегамі з краін Балтыі. Сёння інакш быць не можа. Мы жывем у адзінай інфармацыйнай прасторы. Па некаторых пытаннях піяру ў Латвіі ёсць больш дасведчаныя калегі. Падтрымліваю з імі пастаянны кантакт. Зараз хачу з'ездзіць у Рыгу. Яна мне вельмі падабаецца сваёй архітэктурай і атмасферай.

— Кажуць, вам прапаноўвалі вярнуцца ў Белтэлерадыёкампанію. Што скажаце?

— У адну раку двойчы ўвайсці немагчыма. Але калі спатрэбіцца менавіта мой удзел у спецыяльных праектах, то чаму б і не…

* * *

Дзмітрый Косцін працаваў загадчыкам аддзела рэпарцёраў Агенцтва тэлевінаў.

Ён быў адной з тэлезорак пачатку 1990-х. Займаўся музычным вяшчаннем, пасля ствараў праекты ў моладзевай рэдакцыі БТ, быў заснавальнікам першай праграмы пра машыны «Аўтапарк».

У 2005 годзе вядучы атрымаў спецыяльную прэмію кіраўніка дзяржавы дзеячам культуры і мастацтва, а ў 2006 ачоліў інфармацыйны штаб Аляксандра Лукашэнкі на прэзідэнцкіх выбарах.

У пачатку 2010-ых Косцін працаваў у «Вакол планеты» і «Форуме».

інф. «Мінск-Навіны»

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера