Знайсці
11.09.2014 / 14:21РусŁacБел

Камфортнае надвор'е чакаецца ў Беларусі на выходных

Пра гэта паведаміла галоўны сіноптык Рэспубліканскага гідраметэацэнтра Людміла Парашчук.

«Учора атмасферны фронт з Заходняй Еўропы паспрабаваў змяніць характар надвор'я ў нашай краіне. Марудна прасоўваючыся на ўсход, ён дайшоў да цэнтральных раёнаў Беларусі, дзе прайшлі моцныя дажджы, - сказала Людміла Парашчук. Але цяпер пад націскам усходняга антыцыклону фронт павярнуў назад і цяпер вяртаецца на тэрыторыю Польшчы».

Паводле слоў галоўнага сіноптыка, у бліжэйшыя суткі і на гэтых выхадных надвор'е на тэрыторыі краіны будзе фарміравацца пад уплывам вобласці павышанага атмасфернага ціску. Таму будзе пераважна без ападкаў. Ноччу і раніцай месцамі магчымы туман. Вецер чакаецца паўднёва-ўсходні слабы.

Тэмпература паветра ноччу складзе плюс 7-14 градусаў, у дзённы час паветра прагрэецца да 20-26 градусаў цяпла.

«У пачатку наступнага тыдня ўплыў на характар надвор'я ў Беларусі пачне аказваць скандынаўскі антыцыклон», - расказала Людміла Парашчук.

Пад яго уплывам чакаецца пераважна сухое надвор'е, пры гэтым на тэрыторыі краіны стане крыху халадней.

Тэмпература паветра ноччу складзе плюс 4-9 градусаў, днём паветра прагрэецца да 17-22 градусаў. Крыху цяплей будзе па паўднёвым захадзе, дзе ноччу чакаецца плюс 10-12 градусаў, днём - да 24 градусаў вышэй за нуль.

БелТА

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера