Знайсці
28.12.2017 / 21:18 9

Лыжнік Сяргей Далідовіч: Гісторыя маёй сям'і складаная. Маці, бацька і брат памерлі ад алкагалізму

Рэдакцыя газеты «Прессбол» прызнала лыжніка Сяргея Далідовіча «Чалавекам 2017 года» ў беларускім спорце. 44-гадовы Сяргей атрымае бронзу Сочы-2014 з-за дыскваліфікацыі расейцаў, а ўлетку 2017 года ён праз краўдфандынг сабраў грошы на Алімпіяду-2018.

— Сакрэт вашага спартыўнага даўгалецця якраз у добрых генах?

Напэўна. Хоць гісторыя маёй сям'і складаная. Маці, бацька і брат памерлі ад алкагалізму. Але гэта здарылася ўжо потым. Зачаты я быў з добрымі генамі. Да 35 гадоў бацька не браў у рот ні кроплі, не курыў. Але неяк фарбаваў цыстэрны са смалой, шабашыў: грошай не было. Калі вылазіў, лопнула лямпачка, і смала загарэлася. Тэхніка бяспекі была парушаная. Тата атрымаў больш за сорак адсоткаў апёкаў. Быў на мяжы жыцця і смерці. Пасля гэтага пайшло-паехала, і ўсё вылілася ў алкагалізм. Гэтак жа і маці. Калі я ад'язджаў з Оршы, праблемы ў сям'і ўжо меліся. Але я быў любімым сынам, мяне гэта не закранула. Старэйшы брат памёр у 44 гады. Бацька — у 58, маці — у 60.

Спачатку я па-вар'яцку злаваўся, саромеўся гэтага. А потым проста зноўку палюбіў бацькоў і зразумеў, што ад мяне нічога не залежыць. Пакуль чалавек сам не возьмецца за сябе… Усе спробы выправіць былі марнымі. Я позна зразумеў і прыняў усе, ім гадоў дзесяць заставалася. У іх было сваё жыццё, у мяне — сваё. Прыязджаў у Оршу, дапамагаў.

Але з трынаццаці гадоў ніводнай майкі мне ніхто не купіў — усё сам.

Не цураўся ніякай работы. Калі паступаў у інстытут, неяк падышоў мужык і кажа: хочаце зарабіць па сорак рублёў? Трэба цэглу скласці. Людзі цяпер не памятаюць, што на месцы «Арэна-Сіці» ў Мінску раней баракі былі. А некаторыя добрыя дамы стаяць на месцы ранейшых звалак. Цагліны былі з дзіркамі. Чатыры ці пяць гадзін працавалі. На наступны дзень трэба здаваць падцягванне — а я не магу на турнік забрацца. Пальцы былі растапыраны. Але я атрымаў сорак рублёў. Купіў на Камароўцы штаны — і адчуў шчасце. Гатовы быў і на наступны дзень прыйсці. Так што цаню тое, што ў мяне ёсць.

pressball.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2021 2022 2023
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30