Знайсці
05.01.2018 / 18:477РусŁacБел

Аляксандр Ермаковіч пакінуў пасаду трэнера БАТЭ

Аляксандр Ермаковіч завяршыў сваю працу на пасадзе галоўнага трэнера футбольнага клуба БАТЭ, паведамляе клуб.

«Наступіў момант, калі Аляксандр Уладзіміравіч палічыў, што прыйшоў час, каб змяніць абстаноўку. ФК БАТЭ з разуменнем паставіўся да гэтага рашэння», — напісана на сайце клуба.

За чатыры гады самастойнай працы Аляксандр Ермаковіч выйграў з БАТЭ 10 трафеяў (5 разоў станавіўся чэмпіёнам Беларусі, 1 раз — уладальнікам Кубка, 4 — уладальнікам Суперкубка Беларусі) — больш чым хто-небудзь за 25-гадовую гісторыю суверэннага футбола. Акрамя гэтага ён двойчы выводзіў БАТЭ у групавыя турніры Лігі чэмпіёнаў (2014, 2015) і Лігі Еўропы (2017). У 2015 годзе ён быў прызнаны найлепшым трэнерам нашай краіны.

Агулам Ермаковіч правёў 472 афіцыйныя матчы ў БАТЭ (279 у якасці гульца і 193 — галоўнага трэнера) — больш за ўсіх у гісторыі каманды.

На працягу 11 сезонаў Ермаковіч служыў ФК БАТЭ ў якасці палявога гульца. Пасля завяршэння сезону-2004, калі каманда перажыла самы драматычны перыяд у сваёй гісторыі (услед за галоўным трэнерам шэрагі БАТЭ пакінула вялікая група футбалістаў, што фактычна азначала будаўніцтва каманды з «нуля») Ермаковічу было даверана права выконваць абавязкі капітана.

Ён заставаўся капітанам да завяршэння гульнявой кар'еры ў 2008 годзе. Буцы на цвік Ермаковіч павесіў пасля матчу заключнага тура групавога раўнду Лігі чэмпіёнаў-2008/09 у Турыне супраць мясцовага «Ювентуса».

У якасці гульца Аляксандр Ермаковіч станавіўся 5-кратным чэмпіёнам Беларусі (1999, 2002, 2006, 2007, 2008), уладальнікам Кубка краіны (2006), срэбным (1998, 2000, 2003, 2004) і бронзавым (2001) прызёрам чэмпіянату краіны, чатыры разы ўключаўся ў сімвалічную зборную чэмпіянату (1999, 2002, 2006, 2007).

Пасля гэтага ён увайшоў у трэнерскі штаб Віктара Ганчарэнкі, якому і асыставаў да кастрычніка 2013 года. А пасля таго як Віктар Ганчарэнка прыняў прапанову краснадарскай «Кубані», Аляксандр Ермаковіч быў зацверджаны на пасаду галоўнага трэнера ФК БАТЭ.

fcbate.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера