Домрачава высакародна адмовілася ад срэбра ў пагоні ў Антхольцы ВІДЭА
Дар'я Домрачава заняла трэцяе месца ў гонцы пераследу на этапе Кубка свету па біятлоне ў італьянскім Антхольцы.
Фота Дзяніса Касцючэнкі
Яна саступіла пераможцы гонкі немцы Лауры Дальмаер 20,2 секунды (вынік Дальмаер — 29 хвілін 45 секундаў). На 2-м месцы італьянка Даратэя Вірэр (+17.3).
На фінішы Дар'я і Даратэя змагаліся між сабой за 2-е месца, але беларуска выпадкова наступіла на палку суперніцы, тая яе ўпусціла, і ў знак выбачэння Дар'я адпусціла італьянку наперад.
Very fair gesture by @DaryaDomracheva, who stepped on Wierer's pole in the last turn and didn't attack on the last 50 meters as a result. #ANT18
Join us for the celebrations and the flower ceremony very shortly. https://t.co/Z1cUg23KzHpic.twitter.com/pdLZdN20nE
Наступныя спаборніцтвы ў біятлоне — Алімпіяда. У Сочы-2014 Домрачава тройчы заваёўвала золата.
На этапах Кубка свету 2017—2018 у Дар'і, што 15 месяцаў таму нарадзіла дзіця, ужо трэці медаль: яна перамагла ў спрынце ў Хахфільцэне, а ў гонцы пераследу там была трэцяй.
