Знайсці
15.07.2018 / 08:573РусŁacБел

Бельгійскі прадавец тэлевізараў пачаў выплаты за галы зборнай на ЧС-2018

fifa.com

Бельгійская кампанія па продажы бытавой тэхнікі і электронікі Krefel абвясціла, што пачынае выплаты ўсім кліентам, хто купіў тэлевізары, бо зборная краіны забіла на чэмпіянаце свету па футболе больш за 15 галоў. Паведамленне пра гэта з'явілася на старонцы ў Twitter.

«Мы зрабілі гэта! Нашы «д'яблы» забілі больш за 15 галоў на чэмпіянаце свету па футболе ў Расіі. Гэта азначае, што мы пачынаем выплаты тысячам кліентаў, якія купілі тэлевізары», — гаворыцца ў паведамленні.

Пра акцыю кампанія абвясціла ў сярэдзіне мая. Згодна з умовамі, неабходна было купіць тэлевізар памерам як мінімум 55 цаляў, а ў выпадку, калі зборная Бельгіі заб'е на ЧС больш за 15 галоў, грошы за тэлевізар будуць вернутыя ў поўным аб'ёме.

Да матчу за трэцяе месца, які адбыўся ў суботу ў Санкт-Пецярбургу, у актыве зборнай Бельгіі было 14 галоў. Такім чынам заставалася забіць два галы, што бельгійскія футбалісты і зрабілі ў матчы за бронзу, абыграўшы з лікам 2:0 зборную Англіі.

Паводле звестак партала Аmweb, кампанія Krefel застрахавала рызыкі выплат у брытанскай Lloyd's of London.

На мінулым чэмпіянаце свету зборная Бельгія змагла забіць толькі шэсць мячоў. Раней больш за 15 мячоў удавалася забіць адной зборнай толькі тройчы. Гэта былі зборная Нямеччыны ў 2010 годзе (17 мячоў) і ў 2014 годзе (16 мячоў), а таксама зборная Бразіліі ў 2002 годзе (18 мячоў).

Калі сочыце за чэмпіянатам свету па футболе, раім вам зрабіць стаўку ў Букмекерскай канторы Марафон!

Апытанка

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера