Чарапаха ў Вялікабрытаніі збегла ад гаспадыні. За 15 месяцаў яна прапаўзла некалькі кварталаў

Upi

Жыхарка Вялікабрытаніі Кэтрын Пейнтэр знайшла чарапаху праз 15 месяцаў за некалькі кварталаў ад уласнага дома. Пра гэта паведамляе сайт UPI.

Жыхары аднаго з дамоў у Рэйсберы (графства Беркшыр) пабачылі ў сваім садзе чарапаху і паведамілі пра знаходку супрацоўніку Каралеўскага таварыства абароны жывёл ад жорсткага абыходжання Карлу Хоўну.

Хоўн забраў чарапаху. Яна не была чыпаваная, але дзякуючы сацсеткам удалося высветліць, што жывёла належыць Пейнтэр.

Жанчына паведаміла ўладам, што яе чарапаха Сібіла збегла з дома каля 15 месяцаў таму. Пейнтэр жыве за некалькі кварталаў ад сада, дзе была знойдзена рэптылія. Па словах гаспадыні жывёлы, пасля доўгіх спроб знайсці чарапаху яна не спадзявалася ўбачыць гадаванку зноў. Пейнтэр апазнала жывёлу на фотаздымках па плямы на панцыры. Яна сцвярджае, што за 15 месяцаў чарапаха зусім не змянілася.

Пейнтер забрала Сібіл з цэнтра ператрымкі жывёл і адвезла дахаты, дзе яна трымае яшчэ чатырох чарапах. Яна збіраецца чыпаваць гадаванца на выпадак, калі чарапаха зноў уцячэ.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0